الدرس الرابع من دورة تعليم الحلويات

السلام عليكم
اخترت لكم حلوى لذيذة و سهلة ومقاديرها في متناول الجميع
gateau russe
المقادير
للعجينة
3 بيضات
مغرف صغيرة بيكربونات
3 مغارف كبار عسل
كاس سكر عادي
مغرف كبيرة زبدة
نحطهم على حمام مائي و نحرك مدة 10 د حتى يبياض شوية الخليط

نبعدو علة النار و نضيف 7 مغارف كبار فرينة و نخلط

هنا الطريقة قد تبدو للبعض غريبة لكن هد الحلوى تعلمتها بهد الطريقة
نحط كمية من الفرينة و ندير وسطها حفرة

و نصب مغرف او 2 من الخليط ادا حابين القرصة كبيرة ديرو 3مغارف كبار

و ننعجنها حتى تولي كرة من العجين

و نحلها بحلال حوالي 2 ملم

و نحطها على ظهر صينية مدهونة بالزبدة و نثقبها مليح

و لما تحمار نخرجها من الفرن و نكمل الباقي

كي تبرد تكون قاااسية و تتكسر بسرعة
تكون تشبه الخشبة فلا تخافو وتقولو الوصفة خسرت
الكريمة
لتر حليب مغلي و بارد نضيفلو 4 مغارف كبار سميد و نحركهم مليح على النار من نص ساعة الى ساعة الا ربع

حتى تنشف الكريمة و تكون بهد الشكل

نبعدها على النار و نضيقلها 250 غ زبدة لينة و نخلط بالباتور حتى تتجانس و في الاخير نضيف كاس سكر ارطب و نخلط مليح بالباتور حتى نتحصل على كريمة متجانسة

نحط الطبقات 3 فوق بعض و بينهم كريمة

و في الاخير اي الطبقة الاخيرة نحط الكريمة نزينها بالحواشي نكونو رحيناهم شوية و يبات ليلة كاملة و في الغد يتقطع باي شكل تحبوه







اتمنى نكون وفقت