لرمضان اطيب ...بيتزا بطبقتين+بيتزا رولي

رمضان على الابواب.....نسال الله ان يكون اوله رحمة ووسطه مغفرة وآخره عتق من النار
لاتكاد تخلو مائدة جزائرية في هذ الشهر الفضيل من البوووووراااااااك(وما ادراك مالبوراك)بمختلف الحشوات،بل ان البعض منا يستهلكه طيلة 30يوم
ولانه كثير الدهون خاصة المقلي منه هناك بدائل كثيرة اقترح منها: بيتزا بطبقتين+بيتزا رولي

العجينة:

2كيلة فرينة(علبة لابال تاع رطل)+2م ك سكر+م ك لحظة+م ك معمرة خميرة خبز+ملح نخلط المكونات ونصنع حفرة في الوسط ونضيف المزيج السائل المتكون من:كاس ماء دافي +صفار بيضة(نحتفظ بالبياض)+3ملاعق ك زيت زيتون
نلم العجينة ونطري بالماء الدافي ونعجن ونتركها تخمر حتى يتضاعف حجمها
بعد ماتخمر نقسمها على اثنين جزء للنوع الاول والثاني للرولي

بالنسبة للبيتزا بطبيقتين:

الحشو:صلصة طماطم ،بطاطا مقلية،فروماج قابل للذوبان،معدنوس،كاشير زيتون اسود(ممكن تحطي الي عندك دجاج مرقاز باذنجان ....)

ناخذ القسم الاول من العجينة ونقسمه الى جزء كبير وآخر اصغر،وباستعمال الرولو نحلو القسم الاكبرعلى سطح مرشوش بالفرينة،ثم نضعه داخل سنيوة مدهونة بالزيت

نبدا بوضغ الحشو فورماج+زيتون

بطاطا ،معدنوس، كاشير، جبن مثلثات ثم صلصة الطماطم

نحل الجزء الاصغر من العجينة ونحطو على الحشو

ندهن بجانب الزيتون ببياض البيض ونرجع الحواف بحيث يتغطى الزيتون ونحدث ثقب بالوسط ،نتركها تخمر من10الى15د ثم الى فرن مسخن مليح

لما تقترب البيتزا من الطياب نخرجها ونحط طبقة من الطماطم+الفروماج ونزين بالفلفل والزيتون وندهن الحواف بالزيت ونرجعها للفرن

بالنسبة للبيتزا رولي

الحشو:بصل مقطع وسط زيتون اخضر او اسود مقطع+ملح(قليل لوجود الزيتون) نقليوهم في زيت حتى يذبل البصل نضيف كمون فلفل عكري حاروفلفل اكحل

نحلو الجزء الثاني من العجينة وندهنوها ببياض البيض ونضع الخليط ونرولي ثم نقطع بسكين حاد،وتوضع في سنيوة مدهونة بالزيت،تخمر شوية ثم الى الفرن كما توضح الصور

وهذا شكل البيتزا بنوعيها بعدما طيب،وهي سخونة رشة معدنوس وقطرات من زيت الزيتون ،المذاق ولااروووووووووووووووع

لاتنسوني اخواتي من صالح دعائكن بارك الله فيكن

» بيتزا + ميني بيتزا .............اعداد: سمية + ايمان
» بيتزا من صنع يدي
» كالزوني بيتزا
» بيتزا من إختراعي
» بيتزا مقلية