طريقتي في صنع المحجوبة بالصور

بسم الله الرحمن الرحيم


اليوم عملت محجوبة للغداء قلت نصورها و نحط مراحلها

المرحلة الاولى " العجينة " :

العجينة فيها دقيق الحق أنا نستعمل الرقيق فقط باه تجيني العجينة ملساء و ترتاح بسرعة و ما تغلبنيش فالعجن
و فيها ملح حسب الرغبة 2 ملاعق زيت و ماء
نبلها طرية قليلا و نجمعها و نغطيها بورق نيلون و نتركها ترتاح نصف ساعة

لما ترتاح و حبات الدقيق تتشرب الماء نعجنها مليح و نعملها كويرات متوسطة بشوية زيت بين الكفين نحطها فالقصعة و نخليها ترتاح













المرحلة الثانية : " الحشو "

الحشو فيه حبات بصل سنات ثوم حبة طماطم ، ملعقة كبيرة طماطم مصبرة ، 2 ملاعق زيت ، ملح ، فلفل اسود

و لما ينضج نضيفلو دبشة و كرافس مقطعة رقيق

و نقسم الحشوة الى قسمين

قسم للكبار نضيف ليه الهريسة و الفلفل مغلي قليلا مقطع قطع صغيرة

و حشوة للأطفال ليست حارة و انا منهم خخخخخخخ ما ناكلش الحار





التحضير :


نبسط العجينة بقليل من الزيت لازم الوسط يكون اخشن من الحواف





نحط القليل من الحشو و نبسطو بظهر الملعقة





بعد ما نطبقها على شكل ظرف نقرصها شوية باطراف الاصابع



بعد ما نطبقها نمسح الفوق بشوية زيت و نحطها فالطاجين

[


نقلبها بسكين كبير و عريض باه ما نتحرقش و ما يفسدليش شكلها




مرة على مرة نقلبهم بالطول باه يطيبو لحواشي مليح



هادو اول اثنين نزلتهم من فوق الطاجين لما طابو






و هادا غدانا اليوم

شربة عدس

سلطة خيار

و محجوبة