لوبيا خضرا بطريقة مختلفة *لذيذة جدااااا*

السلام عليكم اخواتي ان شاء الله تكونو في احسن حال
جبتلكم لوبيا خضرا بطريقة مختلفة واكيد بنيييييييين بزاااف وحتى لي ما يحبش اللوبيا الخضرا بهاد الطريقة يوكلها
هي لوبيا بطريقة الشكشوكة
نحتاجو كمية مليحة من البصلة يعني 3 او 4 حبات نقطعوهم شرائح

ثم نقطعو اللوبيا ثاني ونحطوها فوق البصلة

ثم نتبلوه بالملح والفلفل كحل وفاح و وكمية ملييحة من المعدنوس وسنة ثوم وفلفل حار و2 م كبار زبدة = ومرة على مرة نزيدو الزبدة كي تعود تطيب ونخلطو كلش



و نحطوها على نار دليلة ونحركو مرة على مرة حتى تدبال وفي الاخير نحطو طرونش قارس ونخليوها تطيب شوية ثاني

وفي الاخير نقدموها مع شوية قارس و معدنوس والجاج نفتوه معاها كي يطيب = راني نسيت ما دكرتوش في المقادير =

وهاهي واجدة نتمنى تعجبكم راهي بنييييييييييينة بزاااااااااف وما يجيش طعم اللوبيا المعتاد او حتى طعم البصلة
جربوها على ضمانتي وراهي مليحة وخفيفة لرمضان
سلاااااااااااااااااااااااااام =في امان الله=