غراتان الباذنجان

باسم الله و الصّلاة على حبيب الله سيّد الخلق أجمعين . حبيباتي في الله دائما نتبع في أفكاركن و أبداعاتكن ما شاء الله كل ابداع أحلى من الثاني و حبيت نشارك و لو بالقليل و أرجو أن تعجبكم أفكاري انشاء الله و ليوم حبيت نمدّلكم وصفة ربما تعرفها البعض و هي غراتان الباذنجان . المقادير
3 أو 4 حبات باذنجان - بطاطا - بيض - كاشير- فرماج- توابل - ملح - معدنوس. صوص بيشامال.
أوّلا تقطعي الباذنجان مربعات صغار و تقليه و تخليه بجيه تقطعي البطاطا و تقليها و تحطيها مع الباذنجان ما حدّدش الكمية تحطي كيما تحبي و نزيد معاهم 2 حبات بيض مسلوق و رابي الكاشير غابي التوابل الملح و تخلطي 3 حبات بيض مع المعدنوس و قرة ملح و تضيفيها و تخلطي الكل مع بعض و تحطيه في سني مدهون بالزبدة و دخليه للفرن حتى ينشف البيض و يحمار من الجهتين في اثناء ذلك حضري البيشامال و تغطي بيها الغراتان بعد ما يكو ن طاب و ترجعيها للفرن تاخذ البيشامال لون أحمر و تتكل سخونة و شهية طيبة . ادعيولي ربّي يكملي وش بديت