خبيزة السلق من مطبخي بالصور......

مساء الخير حضرت الأسبوع الماضي خبيزة السلق (السبانخ) وحبيت نضع طريقة عملها بالخطوات انشاء الله تعجبكم نبدا على بركة الله
في مقلاة ضعي ملعقة زبدة أو زيت وقلي حبة بصل مقطعة مكعبات + ملح+فلفل أكحل انزعيها واتركيها جانبا
في نفس المقلاة قلي كمية من اللحم مرحي + ثوم +ملح+ فلفل أكحل+ قليل من الكمون ثم انزعيه واتركيه جانبا
من جهة أخرى تكوني نظفتي السلق وقطعتيه ضعيه في المقلاة بدون ما تضيفي الزيت

عندما يذبل قليلا أضيفي الملح

حضري حبة طماطم كبيرة مقطعة مكعباة ومقشرة+ثوم+ زعيترة


خليها طيب حتى تطلق الطماطم الماء نتاعها وتنشف
من جهة أخرى قشري البطاطا وأقليها مكعبات صغيرة
قطعي زيتون أخضر و معدنوس ودبشة


والآن حضري العجينة : فرينة+ شوية سكر+ ملح+ خميرة++ شوية زعيترة وأعجنيها بالماء و في الأخير زيدي زوج مغارف زيت زيتون قسمي العجينة على 2 وحدة أكبر من الأخرى أتركيها تخمر شوي

بعد أن تخمر جيبي بلاطو نتاعك ادهنيه بالزيت و سرحي فيه لعجينة لكبيرة اثقبيها وخليها شوي

زيدي روحي سرحي لعجينة تانية
ومبعدا خلطي الحشو نتاعك و أبسطي فوق لعجينة الأولى وحطي فرماج أي نوع أنا استعملت لافاش كيري نتاع التوم يجي بنين



غطيها بالعجينة التانية وأدهنيها بالبيض لأثقبيها وزينيها بالفرشيطة والزيتون والسينوج







ومبعدا طيبيهاا وهاهي ليك الصور بعدما طابت



ممممممممممم يميييييييييييييييي

بصحتكم نشاء الله عجبتكم ودركا نستنا تقييمكم ليا و أراءكم:con fused: