غراتان لوبيا خضرة بنينة جربوها

مقاديرها او مكوناتها:
نقلتها لكم بعد ان جربتها و فعلا بنينة شكرا لصاحبتها
لوبيا خضرة
بطاطا
صلصة طماطم
دجاج او فطر او لحم مرحي او يمكن الاستغناء عليهم
غرويار
حبة ليمون
ملح
ثوم
فلفل اكحل
معدنوس



اولا نفور اللوبيا مع الثوم والملح والفلفل الاكحل وشويا زيت نخلطهم مليح ونحطها تفور
نقطع البطاطا معكبات صغيرة
نطيب الدجاج في طنجرة صوص بلونش
ونديرو صلصة طماطم
بعد ما نوجدو كل شي


نجيبو البلاطو اللي نديرو فيه
نحطو اللوبيا

ونديرو فوقها البطاطا

نزيدو الدجاج

نديرو بعده صلصة الطماطم باه ما تجيناش الغرتان ناشفة

ونزيدو بعدها البطاطا والغرويار

وفوقها اللوبيا وصلصة الطماطم

وندخلوها تتجمر
بعد ما نشوفوها نشفت وتجمرت نخرجوها نحطو فوقها الفرماج وندخلوها خمس دقائق برك


بعد ما تطيب نعصرو عليها حبة قارص ونقدموها
ارجو ان تجربوها تستاهل تذوقوها