الجينواز من عمل أستاذي

8 بيض + 200 غ سكر عادي + 275 غ فرينة + م ك لافاني + عطر القارص + 1 و نص خميرة كيميائية
نضع البيض + السكر ونخلطهم بالباتور حتى يولي كريمة ثم نضيف الفرينة و الخميرة و نحرك بالمغرف في نفس الإتجاه نأخذ مول و نضع ورق الجورنال الخاص بالطبخ في الأطراف يكون عالي على أطراف المول ل و ندهنه بالزبدة و نرش بالفرينة ونفرغ الخليط و ندخله في فرن درجت حرارته 180و مدة الطهي 20 د نطيبوها حمرا من فوق. عندما تنضج ننزع الورق و نتركها تبرد
إذا أردنا الكيكة شوكولا نعوض 3م ك فرينة ب 3 م ك كاكاو
كريمة الزبدة
كأس سكر عادي + نصف كأس ماء + حبة بيض + 500 غ مارغرين + كأس زيت + لافاني + عطر القارص
نضع الماء و السكر في كسرونة فوق النار و نتركه يغلي دون تحريك حتى كي نمسو بأصابعي يولي يلصق نطفي عليه
نضرب حبة بيض بالباتور فيه فوي واحدة ثم نفرغ السيرو اللي طيبناه تدريجيا و نضرب في نفس الوقت بزوج ليفوي و نضرب حتى يولي دافئ شوية ثم نفتت الزبدة بيديا و نضع بالقطعة و نضرب في نفس الوقت حتى تولي يابسة كيما الزبدة ثم نضيف الزيت تدريجيا و نضرب و نضيف لافاني وعطر القارص و نضر حتى تولي كريمة
نقسم الكيكة إلى نصفين و نطليها بالكريمة ثم نضع النصف الآخر و نطليها بالكريمة من فوق و في الأطراف و نضع الفارميسال بعدة ألوان أو الكوكاو مرحي أو نوات كوكو في الأطراف و نزين بباقي الكريمة بلابوش أدوي في الوسط نضع مستطيل بالكريمة و نقسمه إلى مربعات و نملؤها بالكونفيتور ملون بالأحمر و معطر بعطر الفراز و نزين بقطع من البنان و الكيوي و البرتقال و التفاح ثم نغربل عليها شوية نوات كوكو
شهية طيبة