** حلوى البجاوية من مطبخي بالتفصيل **

السلام عليكن ورحمة الله وبركاته
البارح حضرت حلوى البجاوية وصورت جميع الخطوات اتمنى تنال اعجابكم

العجينة
4 بيضات ذرة ملح كيس خميرة كيميائية والباقي فرينة حتى تصبح صلبة



نقسم العجينة على ست قطع متساوية نحللهم ونرش عليهم النشاء



نحطهم فوق بعضاهم بيناتهم النشاء بزاااف ونحللهم حتى يصيروا ضعف الحجم نفرقهم عن بعضهم ونخليوهم يشيحوا شوية نقلبهم ونرش عليهم النشاء



نقسم القطعة على اثنين ومررهم في الة العجين من جهة الرشتة
بعد الانتهاء نحط كل العجينة في سيار وننفض النشاء الزايد



نقليها شوية شوية في زيت غزييييير وحبذا لو تقليهم في كوكوت يشربوا الزيت بزااف ويتضاعف حجمهم بسرعة



في قصعة نحط العجينة المقلية + رطل كوكاو محمص ومرحي خشن + علبتين حلوة ترك



من جهة اخرى نحضر حوالي رطل كابريس اللي يتعالك نذوبه على حمام مائي يعني الكبريس في طاوة صغيرة حطيها في طاوة كبيرة فيها الماء حتى يدوب اضيفي له علبة عسل نونورس الثقيل



ودائما فوق نار هادية مع التحريك المتواصل حتى يمتزج الكبريس مع العسل
وكل ما كانت كمية الكبريس اكثر تكون النتيجة احسن في البنة والتماسك



نخي الخليط يبرد شوية ثم نسكبه بالتدريج فوق العجينة المقلية والكوكاو واحلوة الترك نخلط بملعقة خشبية



نسكب الخليك في بلاطو ونتركه دون ان نملس سطحه



نحتاج للتزيين الى 50غ من الجلجلانية +50غ لوز شرائح +50غ فستق




نرش المكسرات على سطح الحلوى



ثم بواسطة ملعقة نسكب برفق شوية من خليط العسل والكابريس باه تلصق المكسرات مليح
نسوي السطح جيدا بملعقة خشبية او حلالة صغيرة
ندخلها الثلاجة ليلة كاملة وفي الغد نقسمها مربعات او مستطيلات حسب الرغبة
واليكموها







ان شاء الله يكون الشرح وافي وتعجبكم وتجربوها