من مطبخي le brésilien بالتفصيل ♥♥♥

هذه الوصفة جديدة تاني فيها ذوق غريب بصح بنيييييييييينة الليمون و الشيكولا !!!!!! نعم ذوق القارص مع الشيكولا هايل نتمنى جربوها
وتوالم تندار في عيد الاضحى ان شاء الله تعجبكم


المقادير:
*250غ فرينة /*300غ سكر تسكار /*3ملاعق كبار كاكاو /*250غ زبدة لابال ذائبة /*3 حبات بيض /*قرصة ملح
/*2ملاعق كبار لافاني /*1باكي لالوفوغ شيميك
للتزيين:
*شيكولا /* نصف علبة معجون المشمش /*عصير 3 او 4 حبات ليمون

طريقة التحضير:



نخلط كل المقادير الجافة مع بعض
السكر و الفرينة و الكاكاو و لالوفوغ و قرصة الملح و لافاني



من بعد نزيد البيض و الزبدة الذائبة

و خلطوهم مليح


من بعد فرغوها في سنيوا

طيب حوالي20دقيقة باش تتاكدو بلي طابت اتقبوها بالموس ادا خرج ناشف معنتها طابت كيما الجينواز

و هداك المعجون و القارص تكونو موجدينو في كاسرونة يلزم يكون سكون ديري المعجون و القارص فوق النار غير يغليو طفي النار


غير تنحيوها من الفرن اثقبوها بالموس من كل جيها

غير تنحيوها من الفرن ارميو عليها المعجون والقارص باش تشرب

خليوها تشرب كي تبرد فرغو عليها الشيكولا
الشيكولا درتلها شوية حليب و شوية زبدة و ذوبتم في الميكرو غوند تقدرو ديروها في بان ماغي

فرغو الشيكولا فوقها

من بعد ذرذري فوقها واش تحبي لوز ولا كاوكاو ولا نواة كوكو ولا سكر تسكار على حساب واش عندك

من بعد قطعيها قطع صغيرة و قدميها
بنينة و كي تبات تولي بنينة كثر


هذي الحلوى توالم في العيد ان شاء الله تكون عجبتكم



و شهية طيبة.............