الشوكولاته علبة

السلام عليكم أخواتي

قريت وصفة تاني سهلة و لذيذة و شكلها جميل

جربتها قبل في العيد و جات رائعة حبيتكم

تجربوها

اذا عجبتكم طبعا و هي باركات بالشوكولا

نبدا باسم الله

المقادير :

210 غ غ فرينة + 70 غ سكر أرطب + قرصة

ملح + فاني + 2 رشات خميرة الحلوى + 160

غ زبدة طرية "فلوريال" مقسومة قطع بالسكين (

أنا كي عملتها استعملت كمية أقل من هدي لانو

160 جاتني ياسر يجي يتكسر يمكن نوعية الفرينة

عندها دور ) و خلطي بيدك لميها و خلاها ترتاح

شوية في الثلاجة

_ ممكن تحطي مبشور حبة برتقال أو ليمون .

= 100 غ شوكولا سوداء "أنا نستعمل غير امباسادور السوداء رائعة لاني جربت مرة مينة دابت بطريقة غريبة و بقات كتل كتل "

+100 غ زبدة + 100 غ سكر قلاص + بياض

بيضة

ضعي في حمام مائي الشوكولا و الزبدة و خلطي

حتى يذوبو نحيهم من النار و صبي عليهم السكر

الناعم مع الخلط و بياض البيض في الأخير

و خلطي مليح مليح مليييييييييييييييييح بالخلاط

اليدوي

= حلي العجينة بالقراص بعد ما تكوني رشيتيها

بالفرينة ثم روليها حول القراص و هيطيها فوق

القوالب الصغار شكل باركات اذا كان هذا هو

استعمالهم الأول ادهنيهم بالزبدة و اذا موالفة

تستعمليهم أكيد متغسليهمش باه ميصدوش و

مبقيتيش تدهنيهم خلاص و سويها بيدك ثم بيكيها

بالفرشيطة و دخليهم فرن ساخن على نار هادئة

" كي تدخل العجينة للفرن تحضري خليط

الشوكولا لي حكينا عليه ديجا "

بعد ما يشقر لونها خرجيها من الفرن و خلاها تبرد شوية وصبي الشوكولا و زينيها بالمكسرات المرحية خشين و زيدي رشي سكر أرطب بواسطة المصفاة ثم بواسطة لابوش أو ابرة زيدي زيني بالشوكولا

جربوها مش رح تندمو

سلااااااااااااااااااااااااام