مخبز البيضة بالنواد كوكو من تطويري رائع

السلام عليكم أخواتي الحبيبات

اليوم جبت مخبز البيضة بالنواد كوكو

الفكرة كانت من عند أختي .الوصفة بعد بحث اعتمد هادي لقتها في أحد المدونات. الشكل تاع مخبز البيضة كانت فكرتي

نتمنى يعجبكم

المقادير :

600 غ نواد كوكو

300 غ سكر ناعم

1 ملعقة قهوة فانيلا

مبشور حبة ليمون

2 ملاعق كبار عصير الليمون

6 ملاعق كبار حليب مجفف

3 بيض

قليل من ماء زهر

الطلية :

1 كلغ سكر ناعم "المرجان"

4 ملاعق ماء زهر

3 ملاعق كبار عصير الليمون

3 ملاعق كبار عسل

بياض بيضة

زيت

ملاحظة : القلاساج هذا يجي ياسر اما تضاعفي كمية العجينة أو تعملي نصف كمية القلاساج

الطريقة : اخلطي جميع الكونات مع بعض .لمي بالبيض وحدة وراء وحدة حتى تتحصلي على مزيج متماسك
*ممكن بيضتين يكفيوك

بلي طابع مخبز البيضة بقليل من الماء .ضعي فيه عجينة النواد كوكو و رصي مليح باه متخليش تشققات تفسد الشكل .ثم هبطي الحبات عن طريق قلب الطابع و الضرب عليه شوية و لازم العملية تتم فوق فوطة "سرفيات" لانو الطابع حاطم ممكن يتكسر من الضرب

حطي الحبات في بلاتو مدهون بالزيت و دخليهم الفرن على نار هادئة يشيحو فقط يعني يخرجو بيض خليهم يبردو

* بالنسبة للطلية أنا اعتمدت الطريقة لي عملت بيها حورية المطبخ طلية العرايش مع تغيير في المكونات

الفكرة انك متحطيش المكونات السائلة و مبعد تشيحي بالسكر لاااااااااا العكس ضعي الكيلو تاع السكر الناعم هو الأول و زيدي المكونات السائلة بالشوي الماء زهر و الليمون و العسل و بياض البيض و الزيت في الأخير باه يمد اللمعة

مع الخلط المستمر بواسطة شوكة أو خلاط يدوي

يكون خليط يابس و يبدى يتعدل بالشوي حتى توصلي للخليط لي يرضيك جربي غطسي فيه حبة اذا مساحش يعني مليح

أنا كنت دائما نخاف من القلاساج لا ميجمدش لكن الآن خلاص الحمد لله ولى ينجحلي بالطريقة هدي

ممكن تحطي الملون لي تحبي أنا خليتو أبيض

_ بعد ما يبردو حبات المخبز غطسي بالحبة في الطلية و خليها تجف ليلة كاملة فوق الشبك " تاع الفرن" و قبل ما تجف خلاص اعملي بعجينة اللوز وردات صغار " أصغر طابع في المجموعة" و حطيهم بجنب بعض كما خو موضح في الصور و فوق كل حبة حطي باغل صغيرة

كي يجفو رشي عليهم brillant alimantaire

و ضعيهم في كيسات

* ملاحظة

نفس القالب و القلاساج ممكن تعملي منو مخبز البيضة باللوز

* المكونات هدي ممكن تعمليها بقالب على شكل قلب او دائرة او اي قالب عادي مش محتم الطابع تاع البيضة

انا لقيتها في النت على شكل قلب وردي و مزين بوردة موف جا روعة

يعني انا برك طورتها و عملتها بالطابع هذا

و الحلوى تاعنا جاهزة امممممممممممممممم شكلها انتم لي تحكمو و طعمها راااااائع

سلااااااااااااااااااااااااااااااااااااام

» مثلثات بالنواد كوكو
» ترافل بالنواد كوكو جديدي _ تفضلوا
» مخبز بالنوات كوكو.............من كوزنتى
» M'khabez مخبز
» مخبز الفلان