تفضلوا ذوقوا مشوشة هااااااايلة من اعدادي

هادي المشوشة او قرصة العضام . نعملوها في النفاس. او في الفطور او قهوة العشية ,.. خفيفة بزاف وهشة وتنفع جدا ضيف الغفلة
لي مايعرفهاش يجربها اكييييييد راح يحبها




بسم الله
المقادير
6بيض
3ملاعق كبيرة طحين
رشة فانيلا
ملح على حسب عدد البيض
كيس خميرة الحلويات
عسل
الطريقة
نخفق البيض مع الملح و الفانيلا بالخفاقة الكهربائية حوالي دقيقتين
نضيف الطحين ونكمل الخفق جيدا
نضيف الخميرة ونخفق حتى تمتزج ونتوقف
نكون قد سخنا مقلاة متوسطة قطرها حوالي 23 و 24 سم و عميقة شوي و دهناها بزيت حتى الحواف
ننقص النار ( انا ننقصها بالاتجاه العكسي كانوا راح نطفي النار لكي احصل على أهدى نار ممكنة)
نصب الخليط ونغطيها بغطاء ثقيل انا تغطيها ب طاجين الكسرة
بعد 5دقائق نتفقدها وذلك برفع الحافة بواسطة سكين اذا أحمرت نقلبها بغطاء زي الفريت اوملات
اذا ساحلي شوي بيض في الغطاء اعيديه للمقلاة وارفعي حافة القرصة و أدخليه لكي ينضج وغطيها
اتركها حتى تتحمر
ضعيها في صحن التقديم
سخني عسل حر او عسل ثقيل وقصيها زي التارت و صبيه فوقها و بصحتكم
تقدم ساخنة
اللي عندها مقلة اكثر من هادي شوي تضيف 2بيض و ملعقة فرينة. و هكذا كل ما كانت اكبر نضيف بالاثنين و اذا كانت اصغر ننقص بالاثنين
ماتنساوش تردولي كي تجربوها ok!