الدرس الثاني من دورة دروس الطبخ ****

السلام عليكم ورحمة الله وبركاته
اليوم نقدم لكم قرنون محشي بالطون ومعاه بطاطا في الفرن
نبدا على بركة الله

نظفي القرنون مليح وملحيه وحطيه يفور مع حبة بطاطا حتى يطيب مليييح او تحبي تطيبيه في مرق خفيف



من جهة اخرى قشري 3حبات بطاطا كبيرة وقطعيها فصوص تبليها ب: ملعقتين زيت +ملعقة ماء + ملعقة عصير ليمون ...الملاعق كبيرة ...+ملح +فلفل حار احمر + فلفل اسود +دبشة و فلفل حار مقطعين +ورقة رند+ ثوم خلطي مليح وحطيها في كيس الشواء الخاص بالفرن





بعد ما يطيب القرنون ضعي فوق كل واحدة قطعة جبن



حضري الحشوة
حبة بطاطا اللي فورتيها مع القرنون + علبة تون +صفار بيضة + فلفل حار ودبشة مقطعين + ثوم وهريسة وكمون وفلفل اسود ملح



خلطيهم مليح بالشوكة



ضعي الخليط في كيس التزيين وحطيه فوق الحبات هكذا



ثم زيتون اخضر وضعيهم في قالب الفرن المدهون بالزيت او تحبي تحطي مرق خفيف



ادخلي البطاطا الى الفرن وبعد نصف ساعة زيدي دخلي القرنون ربع ساعة وخرجيهم

اضيفي اللمسة الاخيرة بالفرماج هكذا



تكوني محضرة صلصة طماطم : حبة طماطم مرحية + قرن فلفل حار مشوي ومقطع رقيق + ثوم وهريسة وملح ملعقتين زيت الكل على نار هادئة حتى تعقد



تقدم بهذه الطريقة







اتمنى يعجبكم
ولا تنسوني من صالح دعواتكم
سلااااااااااااااااامي