الملوخية

اليوم جيتكم بطبق الملوخية أحنا نحبوها ياسر ، الله غالب الصور هزيتهم لكن ماعرفتش كيفاه نحملهم للمنتدى كي تعبت قلت نمد الطريقة و فرات mais ريحتها راهي جاي عندي ما عندي ما نقلكم جعت و نستنى فيها
الطريقة : 2 بصل متوسطة ، 2 حبات طماطم مرحيين لحم أنت واش تحبي دجاج كيما عملتها أنا ولا لحم الخروف و لا لحم الأرنب 2 فلفل حار أو 1/2 قرن فلفل حار ثوم مقطع ملح و زيت رأس حوانت أو أي تابل عندك طبعا كيس ملوخية أعملي حسب عدد الأفراد كما أحنا 8 في العيلة عملت كيسين و رنخيها في الزيت حتى التولي كيما ماهي جارية ماهي عاقدة ـ أنا ننقعها في الزيت ساعة قبل مانطيبها ونزبدلها التوابل وملح ـ
التحضير في طنجرة تكون كبيرة شوية إذا كنت تعملي كمية كبيرة كيما أنا نحط اللحم يتقلى مع 5 ملاعق زيت ونضيف الملح ثم البصل المقطع رقيق و الثوم و التوابل و نقلي ثم نضيف الطماطم و نقلي مليح و نمرق بالماء المغلي اللي يغطي تقريبا 3/4 الطنجرة و نتركه يغلي لمدة 10د ثم نزيد الملوخية المزبت بعد ما نخلطها شوية في صحنهها بالشوية للطنجرة مع التحريك المستمر حتى نكمل الكمية كاملة و نقعد نحرك شوي من بعد نغطي طنجرتي و نقص النار و نتركها تنضج و من وقت لآخر نحركها و عندما تنقص كمية الماء وتبدأ بإحداث فقعات نبدأ بالتحريك حتي تخرج الزيت وكلمسة شخصية انا نحب نزيدلها في الأخير شوية ثوم مرحي ورأس حوانت و شهية طيب راني جعت باي