جلبان مقلي

كيراكم عزيزياتي نتمنى تكونو ملاح اليوم بغيت نقولكم على الجلبان كرهنا من المرقة نبدلو شويا انا الجلبان نبغيه مقلي كتر من مرقة غتدي نقولكم كي نديره نفور الجلبان و نخليه على جنب و نقطع البصل انا نكتر فيه البصل يجي حلو و البصل مانحمرهش بزاف ندبله غاية مين نقلو البصل نزيدوله الحلبان و نقلبو مليييح باه بنة البصل تدخل في الجلبان و التوابل انا ندير الملح و الفلفل اكحل و الكمون و نقلو المكونات مين ينقو نضربو بيضات و ندروهم فوق الجلبان و نخلطو حتى يطيب البيض و صدقوني تجى بنينة جربوها و ردولي الخر تهلو في رواحكم