السلام عليكن ورحمة الله وبركاته
اليوم درت هاذي البطاطا الشهية مع كفتة الدجاج المشوية
رايحة نشرح بالتفصيل الممل من اجل المبتدئات في الطبخ
قطعتين دجاج اذا عندك لحم مفروم يكون الذ واذا غير موجودين استخدمي علبتين طون طماطم
ارحي الدجاج في الروبو مليح وقطعي شوية فلفل حار ودبشة او معدنوس حطيهم على جنب
في مقلاة حطي ثلاث ملاعق كبيرة زيت نصف كمية الدجاج المفروم ملعقة كبيرة بصلة مفرومة شوية ثوم ملح فلفل اسود كمون ملعقة قهوة هريسة واخرى طماطم
على نار هادئة حركي حتى تنضج وهاهي
اسلقي اربعة حبات بطاطا نصف سلق برديها بالماء البارد ارحيها في سكرفاج استعملي الاسنان الكبيرة
من جهة اخرى حضري صلصة البيشمال
في طاوة حطي ملعقة زبدة وقطعة جبن وملعقتين كبيرتين فرينة وكاس حليب وملح وشوية جوز الطيب
على نار هادئةحركي حتى تصبح مثل الكريمة
نجهز قوالب الفرن او قالب كبير ندهنهم بالزيت
نضع طبقة اولى من البطاطا نرشها بشوية ملح
ثم طبقة بيشمال
ثم طبقة الدجاج ضعي كل الكمية
ثم الفلفل الحار المقطع والمعدنوس
ثم بيشمال
واخيرا البطاطا المتبقية ذري عليها شوية ملح حطي حبة زيتون في الوسط
اخفقي بيضتين واسكبي فوق كل قالب شوية
وعلى الفرن المسخن مسبقا
البطاطا المتبقية اضفتلها البيشمال المتبقي وشوية جبن خلطتهم مليح بالشوكة وحطيتهم في كيس التزييين وزينت بيه البطاطا بعد ما طابت
عذرا على كثرة الصور
والجزء الاخر من الدجاج نعمل بيه ............
السبت مارس 19, 2016 12:54 pm من طرف هاله زادة
اليومية
