سوسن
Admin
عدد المساهمات : 7656
تاريخ التسجيل : 04/01/2012
العمر : 34
 | موضوع: كسكسي بالحوت❊ بالطريقة التونسية  الجمعة نوفمبر 30, 2012 3:59 pm | |
|
 , كسكسي بالحوت❊ بالطريقة التونسية
 تحية لكل ربة بيت تقوم في تجهيز وجبة الكسكسي للغذاء
بسم الله أبدأ المقادير :كيلو كسكسي يعني عدد8 أشخاص 1 كيلو كسكسي يابس متع دياري جاهز /راس ثوم مقشر / سمكه متوسطه منظفه و مقطعه جرار "حلقات" / ليمه "ليمونه" / م ص فلفل أسود / 1 م ك كمون حوت "سمك" /1 م ك ملح / 3 م ك طماطم حكه"معجون طماطم جاهز" /نص م ص بزار "كركم" / ثلث ك زيت نباتي أو زيتون / اميه "ماء" ممكن لترين مبدئيا وبعدين يتبخر مع الطبخ / م ص بهارات / نص م ص قرنفل مطحون "مسمار" /م ك فلفل أحمر حار "نقلل الكميه للي مايحبش الحار" .. كمون الحوت و ليم القارص للتتبيل الحوتبطاطة مقلية و بذنجان و فلفل اخضر مقلي للتزيين الطريقه :
نغسل الكسكسي لو كان بيتي ونصفيه كويس ونجففه بوضعه في صونيه "طبق" كبيره . يصير بهذا الشكل ناخد طنجره ونحط فيها الزيت ونحط فيها نص كمية الثوم المهروس ونحرك لحد ما تصفر الثومه "في الصوره شويه طابت الثومه مننا زياده" وبعدها على طول نحط الطماطم ونشكشكه "نخليه يتسبك" بعد شويه نحط عليه الملح والفلفل الأحمر والبزار ونص كمية" الفلفل الأسود ، القرنفل ".. وبعد التحريك نصب الميه وخليها على النار تغلي .   ناخد باقي كمية الثومه المهروسه ونحطها على الحوت مع الكمون وعصير ليمه صغيره ونحركه ونخليه يتبل و نتبل بها الحوت و نخليها لمدة ساعة قبل التحضير بعد ما تغلي الطبيخه كويس وتبدأ تتختر يعني مش كتير نخفف عليها النار ونلاحظ إنه الزيت بدي يطفح فوق نصفيه بملعقه كبيره ونحبب بيه الكسكسي اللي جف بعد ما نحطه في وعاء كبير و نفتحه بايديناولا نترك به حبيبات كبيرة وبعد ما نحبب الكسكسي نحطوه في الكسكاس متع نفس الطنجره ونرجعهم على النار لحد ما يبوخ الكسكسي وما يحتاجش بعد ما يبدأ يطلع منه البخار لأكثر من ربع ساعه ويطيب
وبعد ما يبدا البخار يطلع من الكسكسي نقيم الكسكاس ونشوف المرقه نلقاها خاتره "متسبكه" نحط فيها قطع الحوت ونرجع الكسكاس ونخليهم شويه لحد ما يطيب الحوت وما ياخدش وقت دقايق بس .. يعني تمر الربع ساعه ونطفي النار ونحط الكسكسي في صونيه واسعه شويه ونحط عليه شويه كمون حوت وباقي القرنفل وشوييية ماء زهر و"هادي حسب الرغبه" ونصب عليه كميه من المرقه وهو سخون ونحرك  نزيد عليه من المرقه ونحرك لكن مش لدرجة يتبلل كتير لا بس ياخد نكهة الحوت نحطه في صحن التقديم ونسقيه بالمرقه ونزينه بقطع الحوت والمقليات وشرائح الليم والفلفل المقلي وهدا شكله النهائي والطعم خيالي(( معناه نسقي الكسكسي بالمرق ))
و هكذا يزين الكسكسي و يقدم جاهز عالطاولة
 | |
|
اليومية
