مقرونة محشية من مطبخي وبالصور

حبيت نحط هده الوصفة الساهلة والاقتصادية لكي تشاركنني فيها و تستفدن منها ان شاء الله
اولا المقادير كمية مقرونة تغليها مع قليل من الملح

حبة بصل مقطعة رقيق و معدنوس
لحم مفروم وحبة طماطم مرحية


تقلي البصل مع قليل من الزيت والملح والفلفل الاسود تضيفي اللحم المفروم كي يتقلاو مليح تزيدي الطماطم و تخليهم على نار هادئة حتى تنشف

تدهني القالب بالزبدة و تبداي تحشي في حبات المقرونة بهدا الشكل

حتى تكمليها
تحضري صلصة البيشاميل (ملعقتين زبدة+ ملعقتين فرينة على نار هادئة كي تدوب الزبدة و تتخلط مع الفرينة صبي نصف لتر من الحليب و قليل من الملح و الفلفل الاسود) و حركي مليح كي تعقد

صبيها فوق القالب

وادخليه الفرن
و كي تطيب رشي عليها الجبن المبشور وهذا اختياري يعني اللي ماعندهاش ماكان لاه

وشهية طيبة