من مطبخي piéce montee بسيطة

السلام عليكم ورحمة الله وبركاته
وش راكم وش احوالكم ؟؟ ان شاء الله بخير
اليوم نقدم لكم طريقة سهلة وبسيطة للغاية لتحضير كعكة الطبقات

البارح حضرتها لعيد ميلاد ابني

بدون اطالة اترككم مع المقادير والطريقة واتمنى تجربوها

لكعكة الجينواز نحضر اثنتين كل واحدة بهذه المقادير
6بيضات كاس فرينةكاس سكر نصف كاس نشاء ملعقة قهوة فاني ملعقة قهوة خميرة كيميائية



كالعادة نضرب البياض مع نصف كمية السكر والصفار مع النصف الاخر للسكر والفاني نمزج الخليطين ونضيف الخميرة والنشاء والفرينة منخولين ونحرك بملعقة من اسفل الى اعلى ونسكب الخليك في مول مدهون بالمرغرين ومرشوش بالفرينة والى الفرن **طول وعرض الصينية 28سم على 22سم **



نقسمها على اثنين



اما الثانية ننقص ملعقة كبيرة فرينة من المقادير ونستبدلها بملعقة كبيرة كاكاو وهاهي



نقسمها عل اثنين



نحضر شاربات بكاس ماء و3ملاعق كبيرة سكر ونتركها على النار ثم نضيف 5 ملاعق كبيرة مربى ونخلط جيدا نتحصل على مربى سائل



نشرب جميع القطع




نضع كريمة الشانتيي على القطعتين اللي فيهم كاكاو ونغطيهم بالقطعتين بدون كاكاو



القطعة الاولى نتركها كما هي نغطيها بالشانتيي وندير في الحواشي الكوكاو



والقطعة الثانية نقسمها جزء كبير والاخر اصغر



والجزء الاصغر ننقص منه شوية



نغطيهما بالشانتيي وندير الكوكاو في الحواشي



تقدري تذوقي كيفاه جات هشة وبنينة اتفضلي البقايا



نضع القطع الثلاث فوق بعض



نضيف شوية كاكاو للكريمة ونزين هكذا



لمسة اخيرة حبات توت بدون تكلفة بسيطة جداا







اتمنى تعجبكم مجرد محاولة
لا تنسوني من صالح دعواتكم
سلامي الحاااار