لـترتولات بالكيوي والمشماش هباااااااال أدخلو بسرعة

" border="0" alt=""/>

اليوم راني جبتلكم حاجة نبغيها بزاااااااااف لترتولات توالم في هذي الأيام لتنوع الفاكهة الصيفية ووفرتها وبلا ما ننسى شهر رمضان توالم فيه بزاف بزاف اللهم بلغنا رمضان بدون إطالة نخليكم مع المقادير، طريقة التحضير والصور كالمعتاد من مطبخ الصوامعية

المقــــــــادير

مقادير العجينة :

- 125 غ مرغرين طرية .
- 4 مغارف كبار سكر قلاصي .
- حبة بيض .
- نصف كيس خمارة كميائية .
- مغرف صغيرة فاني
- الفرينة حتى تتلم حوالي 15 مغرف كبيرة

مقادير الكريمة :

- نصف لتر حليب بارد
- 5 مغارف كبار سكر عادي
- 2 مغارف كبار نشا
- حبة بيض
- مغرف صغيرة عطر الليمون
- مغرف صغيرة زبدة طرية
- ملون أصفر

التحضيـــــــر

أولا نحضرو العجينة في صحن نحط زبدة + فاني + سكر قلاصي نخلطهم مع بعض +حبة بيض ثم نلم بالفرينة نخلوها تريح حوالي 15 د ثم نحلوها و نقطعوها دوائر نديروها فالمول ونثقبوها وندخلوها للفرن حتى تحمار من الأطراف .
بالنسبة للكريمة في كسرونة نحط كامل المقادير مع بعض نديرها على نار قليلة مع التحريك حتى تثقال .
كي تبرد العجينة نعمروها بالكريمة والديكور كل وحدة والفاكهة الموجودة في بيتها أنا درتلها الكيوي والمشماش ودهنت الفاكهة بالعسل باه ما تتأكسدش وذرذرت حبيبات الشوكلاطة من فوق .
هذي المقادير درتلي 14 حبة خير وبركة .

" border="0" alt=""/>

هذو لترتولات نهديهم لميري ونوكيا و حلمي الأمومة يا رب ونقولك أنت أيضا دائما منورتني بردودك المشجعة إن شاء الله يعجبوكم
ودائما بلا ما ننسى تمنياتنا بالشفاء العاجل ل أم خديجة وجميع مرضى المسلمين

" border="0" alt=""/>

» قاطو جزائري للعيد............واووووووووووووووووووو أدخلو بسرعة.....
» ال.....حلوة كامل تعرفوها أدخلو بسرعة .
» قاطو رولي بالكيوي من مطبخ ام سامي و بالصور
» ♥ أدخلو جبتلكم مقروض وقريوش ♥
» كرينتيكا أو حامي أدخلو..........