بقلاوة باللوز

المقادير

4كيلات فرينة
كيلة ليدام ذايبة وباردة
كيلة ماء الزهر+ماء
قرصة ملح

3كيلات لوز
كيلة سكر
ملعقة صغيرة قرفة
ماء الزهر
2مغارف زبدة

لعسيل مخفف بشويا ماء الزهر

ضعي الفرينة في صحن في الوسط حفرة ضيفيلها الزبدة مع قرصة ملح وادمجيها مليح وحكي بين يديك باش تتدخل فيها الزبدة وليميها بماء الزهر وخليها ترتاح مدة
في نفس الوقت حضري الحشو 3كيلات لوز +كيلة سكر+القرفة+ 2 ملاعق ليدام ورشيها بماء الزهر ماشي بزاف رمليها برك
تم بداي تحلي العجينة بعد مادهنتي المول ديالك وبني طبقة واخرى ادهنيها بليدام بواسطة فرشات حتي توصلي الى 6او7 طبقات ثم ماتدهيهاش ديري الحشو وسوي السطح بدون ضغط
وكملي العملية حتى توصلي 6 طبقات قطعيها معينات اومربعات انقشي كل حبة وديري حبة لوز في وسطها وادهنيها مليح باليدام خليها ليلة ترتاح وطيبيها في فرن 160° ملتحت حوالي 45 دقيقة غير تخرجيها ملئيها بالعسيلة تكون باردة رجعيها للفرن تكوني طفيتيه خليها 5دقائق ونحيها وخليها24 ساعة تتشرب بعدين قطعيها وديريها في حاويات خاصة بالبقلاوة