لامونة **هشة وبنينة ومضمونة **

السلام عليكم ورحمة الله وبركاته
اهلا بكم حبيباتي وش احوالكم ؟؟ ان شاء الله لاباس
اليوم نقدم لكم لامونة بحشوات مختلفة من مطبخي اتمنى تجربوها لانها فعلا رائعة
نبدا على بركة الله
المقادير والطريقة
كاس حليب دافء+نصف كاس زيت +ربع كاس سكر+ملعقة قهوة فاني بودر +3بيضات كبيرة +ملعقتين خميرة خبز
نطلع الخميرة مع نصف كاس حليب وشوية سكر **ضروري تطلع وحدها ما تخلطوهاش مع المقادير الاخرى وهي جافة وذلك لتسريع عملية التخمير **
نضع المقادير الاخرى في انا ء العجن ونضيف ملعقتين كبيرتين نشاء+ حوالي4 كؤوس فرينة عينك ميزانك شوية بشوية حتى تولي عجينة مرنة +ملح + الخميرة و ونعجن



نغطيها مليح ربع ساعة تلاقيها خمرت



عاودي اعجنيها وغطيها ربع ساعة اخرى تلاقيها خمرت اعجنيها وشكليها
انا قسمتها على 8 قطع
قطعتين حشيتهم بالمربى





وقطعتين بالشكولا



واربع قطع خليتها فارغة وفي النهاية نحشيها بكريم باتيسيير ندهنهم بصفار بيضة + شوية حليب وسكر ونرش كوكاو او جلجلانية



خليها تخمر واطهيها
كي تطيب من اسفل خرجيها ادهنيها بالعسل واعيديها للفرن وشعلي من فوق تحمار مليح



هاهي



هذه بالمربى والشكولاطة







وهذه بكريم باتيسيير الشكولاطة وهي الذ طبعا













مقادير الكريم باتيسيير

في طاوة حطي جميع المقادير : كاسين حليب + نصف علبة شكولاطة + 3 ملاعق سكر + ملعقتين كبيرتين نشاء +والكل على نار حتى تغلض ننزعها ونضيف ملعقة كبيرة مرغرين + فاني ونضرب بالباتور مليح ونضعها في كيس التزين ونحشي لامونة



ملاحظة : اذا حبيتي تحشيهم كامل بالكريم باتيسيير ضاعفي الكمية
اتمنى ينال الموضوع اعجابكم
سلامي