طريقة تحضير الشو رااااائع

السلام عليكم و رحمة الله و بركاته

أخواتي في الله هذا اول موضوع لي في القسم اردت ان اقدم فيه وصفة مجربة و الصور من مطبخي
طريقة تحضير الشو في المنزل

أنا صراحة أحب الشو لانو خفيف و رائع فعلا

أتمنى انكم تجربو الوصفة و تعجبكم

في كاسرول و على نار هادئة حطي 100 زبدة أنا نستخدم star و صبي عليها 250 مل ماء و حركي حتى تذوب الزبدة تماما ضيفي عليها 140 غ فرينة و حركي باستمرار حتى تتكون عندك عجينة متماسكة

نحيها من فوق النار و صبيها في وعاء أخر و هنا راح تحتاجي كمية من البيض بين 3 و 4 أنا عندي البيض صغير استخدمت 4

خذي العجينة لي تشكلت عندك و ضيفيلها بيضة في كل مرة و خلطيها حتى تتداخل كامل و راح تقدري بعينك اذا راح تكتفي ب 3 بيضات ولا تضيفي 4 هذا على حسب ليونة عجينة

نحنا نسحقوها لينة شوي لانك راح تشكليها بجيب الحلواني و لي ماعندهاش تستخدم محقن كلنا نعرفوه لكن جيب الحلواني أفضل

بعد ما دخلتي البيض كامل في العجينة انقليها لجيب الحلواني و شكليها في سينية فرن مدهونة بالزبدة و مرشوشة بالفرينة

راح تكون بهذ الطريقة بعدما شكلتيها

دخليها لفرن سخون على 200 درجة خليها طيب 30 د من تحت و بعد حلي عليها من فوق مدة 10 د
حتى تحمر لكن ركزي على الجملة هاذي ما تفتحيش الفرن ابدا حتى ينضج تماما لانك اذا فتحتي عليه الفرن راه يهبطلك و يجيكش منتفخ

بعدما يطيب خليه يرتاح و يبرد في هذه الاثناء حضري الكريمة لي راح تحشيه بيها

تقدري تستخدمي كريمة باتيسيار جاهزة la vanoise انا استخدمت ذوق الموز لانو ماشو حاد طريقة التحضير ساهلة و موجودة في الكيس

او تخدمي الكريمة وحدك و هاذي مقاديرها:

في كاسرول من الافضل تكون مغسولة بماء بارد جدااااااا لمنع التصاق الكريمة
حطي 500 مل حليب حتى يغلي و اخفقي 100 غ سكر مع فاني و 2 بيضات و ضيفي عليهم 60 غ نشاء تقريبا 4 م ك
و هزي شوي من الحليب ضفيه على مزيج البيض و حركيه باه تعدلي درجة حرارة البيض لانو لو تصبي الكمية كلها فوقو راح يطيبلك البيض و تخسرلك الوصفة

بعد رجعي خليط البيض كلو على الحليب لي فوق النار و خلطي مليح حتى يتكاثف و يثقال

فرغي الكريمة تاعك في طبق و غطيها بورق بلاستيك و حطيها تبرد في الثلاجة

مابين ما بردت قطعي حبات الشو عرضيا و احشيها بالكريمة و تقدري ديري عليها شوية قطر من فوق و تلصقي فيه لوز شرائح

و بالف صحة و عافية

هذا شكلو النهائي

أتمنى تجربوها و ترودو عليا باه نتشجع و نشارك معاكم أكثر

» طريقة تحضير البسبوسة
» طريقة تحضير البسبوسة
» طريقة كيفية تحضير لا بات اشو
» طريقة تحضير البيتزا
» طريقة تحضير الناباج