قاطو لذيذ بالقارص .....

السلام عليكن اخواتي
وصفتي الثانية لهذا العيد هي قاطو لذيذ جدا والعايلة كامل تشتيه......وهو اقتصادي ويصدق بزاااااااااااف
نخلط500 غ زبدة مليح نزيد 2 كاس سكر رطب او اقل شوي ونخلط نضيف 2 بيض وزاست 3 او 4 ليمونات كبار وباكي خميرة ثم نشفوه بالفرينة طبعا
نشكلو العجينة سواء حربوش ونقطعوه مقروطات او نكوروه او نعملوه باطابع تاع المعمول وهي الطريقة الاحسن
بعد ما يطيب نخدمو شاربات تكون خفيفة اي 2 كاس صغير ماء مع كاس صغير سكر وكي تطيب نزيدولها عصير الليمونات لي درنا الزاست نتاعهم الكمية تكون حسب الذوق
بعد مانغطسو الحبة نرمدوها في السكر الرطب وقبل التقديم نعاودو نرمدوه ايضا
............القاطو ساااااااهل واقتصاااااااااادي ولذيييييييذ جااا وانا متاكدة بلي راح يعجبكم اذا جربتوه..........................