حلوى النوادكوكو لديد

اليوم جبتلكم وصفة لديدة جدا لحلوى اليكم المقادير
كيلة نوا دكوكو +كيلة سكر قلاصي+كيلة حليب غبرة ونبلو بماء الزهر ما لازمش تبلي بزاف رشي الخليط بالعقل لانه يتشرب بسرعة بعدها اطرحي العجينة المتحصل غليها بيدك على طاولة عمل ومن جهة اخرى تكوني حضرتي حلوة الحلقوم تعجنيها مليح بين يديك وتلونيها بلون موحد وتديري حربوش تحطيه في وسط عجينة النوا دكوكو وتلفي وتقطعي معينات وتزيني بالسمسم وتخليها تشيح فعلا حلوى رائعة ودوقها لديد جربوها وردولي الخبر.
ملاحظة:ممكن تلوني عجينة النوا دكوكو المتحصل عليها باللون اللي تفضليه وشهية طيبة.