مجموعة من حلوياتي تفضلوا

السلام عليكم ورحمة الله


**


هذي حلويات درتها لخويا في حفلة تخرجو

تشاراك و بنيون و حلوة النوقة و البحلاوة





هذي حلوة العيد لي فات





هذي حلويات درتها في عقيقة ولد خويا كنت حطيتهم في منتدى اخر

نبدو بسم الله

هليلات بحلوة الترك معسلين و مرمدين فالبيمو:




الحشو:
1كغ من الكوكاو محمص و مطحون
+1كغ من حلوة الترك
+ 2 م ك زبدة ذائبة

(اطحنى الكوكاو مع حلوة الترك حتى يتعجن قليلا)

العجينة:
كاس حليب
+ كاس مارغرين ذائبة
+ فانيليا+
الفرينة حتى تتلم و تولي عجينة

حليها بالحلال ثم بالة العجين في رقم 4 قطعي دوائر بالكاس

عملي الحشو في الوسط على شكل هلال و اغلقى العجينة عليه و شكلي هلال

اطهيها في فرن مسخن من قبل على نار متوسطة حتى تاخذ اللون الذهبي

حاولي ان لا تطهيها كثرا يعني كي تخرجيها راح تقساح شوية

فور اخراجها اغطسيها في العسل تم رمديها في البسكوي مطحون(بيمو).

*************************

كفتة بعجينة جوز الهند و الفاندون




العجينة: عبار فوندون+ 1/2 عبار جوز الهند اطحنيهم مع بعض في الطحان الكهربائي حتى تتحصلي على عجينة ملساء تقدري تحليها بالحلال و تقدري تلوينيها كيما حبيتي

الحشو: كوكاو مطحون+ حلوة الترك+ بسكوي مطحون (بيمو) و تلميهم اما بالعسل او معجون المشمش كاين لي يلموهم بعصير الليمون حتى ما تجيش حلوة بزاف انا لميتهم بالعسل

استعملي ورق السيلفيريزي او ورق البلاستيكي و حلي فيه العجينة 1 ملم عملي مستطيل و شكلي حربوش بالعقدة و لفي عليه العجينة مرة وحدة من بعد قطعيها معينات و خليها تنشف قليلا تقدري تزيينها بورود من عجينة اللوز و رشيها بسكر رطب. انا مقدنيش الوقت شيتها برك بالسكر الرطب بصح تجي لذيذة بزاف







********************

قاتو بالكابريس و الشكوكولا





250غ زبدة+ كاس سكر عادي+ كأس زيت+ 02 بيض كاملة
+ 02صفار البيض+ 01فاني+ 02 أكياس كاراميل (من فلان رابحة)
+ 01 خميرة كيميائية+ فرينة+ عدد كافي من حبات حلوى الكابريس

نمزج المقادير السابقة معبعضها ثم نشيح(نجفف) بالفرينة حتى نتحصل
على عجينة سهلة وطرية ثم نشكل العجينةالمحصل عليها على شكل كريات
ثم نضغط قليلا وسط الحبة بأصابعنا ونضع نصف حبة كابريسونغلق
(نعيد الكرية كما كانت) ونضعها في الفرن مدة 30دقيقة حتى تنضج خليها تبرد
و من بعد غطسيهم في الشوكولا وو زينيهم بخطوط من الشوكولا

و كاين لي يغمروهم بعدإخراجها من الفرن في مربى المشمش الممزوج مع ماء الزهر
ثم نضعها في قوفريط( gaufrettes) او كوكاو فول سوداني


******************

حلوة المشكلة




المقادير
3كيلة فرينة الطحين
2\1 كيلة زبدة دائبة و باردة
قرصة ملح
2\1 ملعقة شاي فانيليا
2\1 كأس شاي ماء زهر البرتقال
ماء دافئ اساسي

الحشو:

500غ كوكاو او لوز او جوز لي عندك مرحي جيدا
200 غ سكر بودرة
1 ملعقة شاي مستخلص اللوزextrait d amande
بعض من حبات اللوز للتزيين .
البيض حسب ما تتلملك

طريقة التحضير :

نمزج الطحين مع الزبدة الدائبة و نحك جيدا نصيف بعدها الملح و يكون مدقوق جيدا +الفانيليا +و ماء الزهر نحك جيدا و نضيف الماء الدافئ ان احتجنا له بكمية قليلة حتى تجمع معنا العجينة نحصل بعها هل عجينة طرية و لينة ، نضعها في ورق طعام شفاف لكي ترتاح لمدة 15 دقيقة.

اثناء هذا الوقت نحضر الحشو
نمزج الكوكاو و السكر و مستخلص اللوز مع البيض كي نحصل على حشو لين و طري .

بعد ان ارتاحت العجينة نأخدها و نفردها على طاولة العمل بحلال للعجينة السمك 1سم و نضع فوقها الحشو 2 سم علوه و نضع طبقة ثانية من العجينة فوق الحشو و نأتي بطابع على شكل معين او دائري مشرشف على الحوافي نقص به العجينة نصنع منها قطع دائرية الشكل ، بعدها نأخد حبة من اللوز و نضعها في الوسط و نقوم بنقش الحلوة بالسكين اي نعمل خطوط كما في الصورة .

كاين طريقة اخرى لي انا استخدمتها قطعت العجينة لوحدها و الحشوة لوحدها و حطيت معين من العجينة دهنتها بشوية بياض البيض و حطيت الحشوة و زدت فوقها العجينة خطرش كي تستعملي الطريقة الاولى ضيعلك بزاف عجينة بصح الاولى سهلة.

نضع الحلوى في الفرن على درجة حرارة 180 يكون اللون ذهبي و بعد النضج نضع الحلوى في العسل

**************
البحلاوة




لمقادير

4كيلات فرينه


2/1 كيلة سمن او مارغرين ملعقة متوسطة الحجم من الفانيلا


قرصة ملح ، لفاني، كاس صغير ماء الزهر


بيضه، ماء للعجين


للحشو


1 كغ لوز مرحي او كوكاو


500 غ سكر ناعم (اذا ستعملتي الكوكاو ديري فقط 300غ )


ملعقة كبيرة فانيلا ، extrait لوز الحلو و ماء الزهر


كاس صغير من ماء الزهر



التحضير


في وعاء ضعي الفرينه المغربلة و اعملي حفرة وسكبي السمن الذائب قرصة ملح الفانيلا اضيفي بيضة ثم اعجيني باضافة ماء الزهر تدريجيا ثم الماء لتحصلي علي عجينة مرنة وسهلة الاستعمال .شكلي كريات صغيرة احفظيها في الورق الغذائي واتركيها لفترة


من جهة اخري حضري الحشو باللوز .السكر الناعم الفانيلا وبضع ملاعق من الزبده الذائبة


اخلطي باطراف الاصابع مع رش ماء الورد تدريجيا مثل فتل الكسكس – لبسطي العجينة علي شكل طبقات رقيقة ثم مرريها داخل آلة العجين رقم 5 ثم رقم 7 لتتحصلي علي عجينة رفيعة مورقة بسمك 1 مم تقريبا


ادهني صينية افرشي ورقة العجين الاولي بحيث تتعدي ابعاد الصينية ببضع السنتيمترات ادهني هذه الطبقة بالسمن الذائب ثم غطيها بوريقة ثانية ثم ادهنيها بالسمن الذائب كرري العملية حتي الوريقة السابعة


عندئذ افرشي عجينة اللوز علي شكل طبقة وسويها علي كامل السطح واصلي عملة التوريق والدهن بالسمن حتي الوريقة السابعه . قطعي الحلوي علي شكل مقروطات وزيني وسط كل مقروطة ب 3اما وردة من نفس العجين او بتيلات العجينه الرفيعة ثم اضيفي نصف حبة لوز


رشي السطح بالسمن الذائب وضعيه في الفرن متوسط الحراره


عندما يصبح لون البحلاوة ذهبيا انزعيها من الفرن واسقيها بالعسل مباشرة واتركيها تبرد


انزعي المقروطات وقدميها في صحون ورقية


*********************

كعيكعات بالوردة و بالقلاصاج



المقادير :
ـ 3 كيلات طحين ( 1 كلغ ) .
ـ 1 كيلة سمن ذائب أو بارد .
ـ ماء + ماء زهر البرتقال .
ـ 3 ملاعق كبيرة سكر ناعم .
ـ 1 ملعقة صغيرة فانيليا .
ـ ذرة ملح .

الحشو :
ـ 3 كيلات لوز مهشم رقيق .
ـ 1 كيلة سكر ناعم .
ـ قليل الفانيليا
ـ ماء زهر البرتقال .

الطلاء :
ـ 2 بياض بيض .
ـ عصير 1/2 حبة ليمون .
ـ ماء زهر البرتقال .
ـ سكر ناعم .
ـ نكهة الفانيليا .

التزيين :
ـ أزهار من عجينة اللوز .

طريقة التحضير :
1 ـ حضري الحشو بخلط المقادير المذكورة و شكلي منهاحرابيش رقيقة طولها 10 سم .
2 ـ حضري العجينة بخلط الطحين المنخول + الفانيليا + الملح + السكر الناعم + بودرة الحليب + ضفي السمن الذائب و اجمعي العجينة بالماء و ماء زهر البرتقال ، اعجني حتى تحصلي على عجينة ملساء ، أبسطيها بالحلال و قطعي مستطيلات ( 6 × 12 سم ) ، ضعي اسطوانات الحشو على حافة مستطيل العجينة ( بالطول ) ، لفيها و الصقيها لتشكلي كعيكعة او كرون ، ضعيها في صينية غير مدهونة بالزبدة ثم اطهيها في فرن درجته 180° لمدة 25 دقيقة .

3 ـ حضري الطلاء : أخلطي بياض البيض + زهر البرتقال و عصير الليمون + ضفي تدريجيا السكر الناعم إلى أن تحصلي على خليط متماسك تقريبا ، إغمسي الكعيكعة التي طهيتها في الخليط و من جهة واحدة و انزعيها ثم اتركيها تجف و زينيها بأوراق و أزهار من عجينة اللوز ، و بواسطة قمع مملوء بالطلاء الملون بالزرق اتركيها تجف من جديد .

وزينيها بوردة من عجينة اللوز في الوسط


******************

نتمنى تنال اعجابكم