صابلي بالميرانغ

السلام عليكم
الكثير من الناس اهانوني وجرحوني بكلامهم
ولم يقدروا ظروفي وقالو بالي منيش انا الي راني نخدم في القاطو وراني غير نحط في التصاور
بصح الله شاهد عليا
اليوم جبتلكم القاطو الي طلبات الكثير من العضوات



العجينة
500غ لابال طرية
كاس ونص سكر قلاصي
2 بيضات
كاس كوكاوبيض مرحي رقسق جدا
1 خمير الحلويات ونلم وبالفرينة
حتى نتحل على عجينة ملساء بصح بشرط متيبسيهاش بزاف ومتخليهاش جارية تاني بزاف
نحلو لعجينة تاعنا ماهي رقيقة ماهي خشينة لانها فيها لحميرة
ونقطعوما بمول على شكل دمعة
ونحطوها تطيب في فرن مسخن مسيقا
على حساب متنشف الحلة تاعنا برك ونحيوها
وكي تبرد نلصقو وحدة فوق وحدة بالمربى
ونحطوها جانبا
نحظر الميرانغ
4 بياض بيض
250 غ سكر احرش
شوي عصير ليمون
بالباتور حتان نتحصل على ميرانغ متماسك
ونحطوه في لابوش
ونرجع للقاطو تاعنا
ناخذ مربى ونزدولو شوية ماء الزهر باه يولي خفيف
وناخذ بانو وندهنو الحبات تاعنا ونرمدوهو في النوادكوكو
ونزين لحواشي بالميرانغ
ونحطو القاطو في فرن سخون بصح سكون الفرن طافي باه ينشف الميرانغ تاعتا
ونحرجوهم ونحو في النصف مربي تاع التون واذا معندكش تلوني المربى تاع المشمش بالاحمر فقط
ونحكو الفي الوسط حبة تاع توت الي ياكلوها لولاد وهي تتباع عند الي يبيعو حوايج القاطو
نتمنى تكونوا فهمتو عليا
والسلام عليكم ورحمة الله وبركاته