اجمل حلويات العيد

صح رمضانكم و تقبل الله منا و منكم صالح الاعمال

جبتلكم اليوم اخواني مجموعة من حلويات العيد اللذيذة و الجميلة

تابعوني و قولولي رايكم



الحشو:
1كغ من الكوكاو محمص و مطحون
+1كغ من حلوة الترك
+ 2 م ك زبدة ذائبة

(اطحنى الكوكاو مع حلوة الترك حتى يتعجن قليلا)

العجينة:
كاس حليب
+ كاس مارغرين ذائبة
+ فانيليا+
الفرينة حتى تتلم و تولي عجينة

التحضير

حليها بالحلال ثم بالة العجين في رقم 4 قطعي دوائر بالكاس

عملي الحشو في الوسط على شكل هلال و اغلقى العجينة عليه و شكلي هلال

اطهيها في فرن مسخن من قبل على نار متوسطة حتى تاخذ اللون الذهبي

حاولي ان لا تطهيها كثرا يعني كي تخرجيها راح تقساح شوية

فور اخراجها اغطسيها في العسل تم رمديها في البسكوي مطحون(بيمو).



كفتة بعجينة جوز الهند و الفاندون



العجينة:

عبار فوندون

1/2 عبار جوز الهند

اطحنيهم مع بعض في الطحان الكهربائي حتى تتحصلي على عجينة ملساء تقدري تحليها بالحلال

(تقدري تلوينيها كيما حبيتي)

الحشو

: كوكاو مطحون+ حلوة الترك+ بسكوي مطحون (بيمو)

لميهم اما بالعسل او معجون المشمش

استعملي ورق السيلفيريزي او ورق البلاستيكي و حلي فيه العجينة 1 ملم عملي مستطيل و شكلي حربوش بالعقدة و لفي عليه العجينة مرة وحدة من بعد قطعيها معينات و خليها تنشف قليلا تقدري تزيينها بورود من عجينة اللوز و رشيها بسكر رطب. انا مقدنيش الوقت شيتها برك بالسكر الرطب بصح تجي لذيذة بزاف




قاتو بالكابريس و الشكوكولا



المقادير

250غ زبدة+ كاس سكر عادي+ كأس زيت+ 02 بيض كاملة
+ 02صفار البيض+ 01فاني+ 02 أكياس كاراميل (من فلان رابحة)
+ 01 خميرة كيميائية+ فرينة+ عدد كافي من حبات حلوى الكابريس

التحضير

نمزج المقادير السابقة معبعضها ثم نشيح(نجفف) بالفرينة حتى نتحصل
على عجينة سهلة وطرية ثم نشكل العجينةالمحصل عليها على شكل كريات
ثم نضغط قليلا وسط الحبة بأصابعنا ونضع نصف حبة كابريسونغلق
(نعيد الكرية كما كانت) ونضعها في الفرن مدة 30دقيقة حتى تنضج خليها تبرد
و من بعد غطسيهم في الشوكولا وو زينيهم بخطوط من الشوكولا

و كاين لي يغمروهم بعدإخراجها من الفرن في مربى المشمش الممزوج مع ماء الزهر
ثم نضعها في قوفريط( gaufrettes) او كوكاو فول سوداني



حلوة المشكلة




المقادير
3كيلة فرينة الطحين
2\1 كيلة زبدة دائبة و باردة
قرصة ملح
2\1 ملعقة شاي فانيليا
2\1 كأس شاي ماء زهر البرتقال
ماء دافئ اساسي

الحشو:

500غ كوكاو او لوز او جوز لي عندك مرحي جيدا
200 غ سكر بودرة
1 ملعقة شاي مستخلص اللوزextrait d amande
بعض من حبات اللوز للتزيين .
البيض حسب ما تتلملك

طريقة التحضير :

نمزج الطحين مع الزبدة الدائبة و نحك جيدا نصيف بعدها الملح و يكون مدقوق جيدا +الفانيليا +و ماء الزهر نحك جيدا و نضيف الماء الدافئ ان احتجنا له بكمية قليلة حتى تجمع معنا العجينة نحصل بعها هل عجينة طرية و لينة ، نضعها في ورق طعام شفاف لكي ترتاح لمدة 15 دقيقة.

اثناء هذا الوقت نحضر الحشو ونمزج الكوكاو و السكر و مستخلص اللوز مع البيض كي نحصل على حشو لين و طري .

بعد ان ارتاحت العجينة نأخدها و نفردها على طاولة العمل بحلال للعجينة السمك 1سم و نضع فوقها الحشو 2 سم علوه و نضع طبقة ثانية من العجينة فوق الحشو و نأتي بطابع على شكل معين او دائري مشرشف على الحوافي نقص به العجينة نصنع منها قطع دائرية الشكل ، بعدها نأخد حبة من اللوز و نضعها في الوسط و نقوم بنقش الحلوة بالسكين اي نعمل خطوط كما في الصورة .

كاين طريقة اخرى لي انا استخدمتها قطعت العجينة لوحدها و الحشوة لوحدها و حطيت معين من العجينة دهنتها بشوية بياض البيض و حطيت الحشوة و زدت فوقها العجينة خطرش كي تستعملي الطريقة الاولى ضيعلك بزاف عجينة بصح الاولى سهلة.

نضع الحلوى في الفرن على درجة حرارة 180 يكون اللون ذهبي و بعد النضج نضع الحلوى في العسل