سابلي رولي او سابلي القطيفة من مطبخي و بالصور

200 غ زبدة او مرغرين (لابل)

2 بيضات كاملين و 2 صفار

1 كاس سكر رطب

1/2 كاس نشا

قرصة ملح

1 خميرة

3 مغارف كبار كاكاو اسود

مربى

( نواد كوكو + كاكاو + سكر قلاسي )

عادي نخدم الزبدة مع السكر و نزيد البيض الملح و مايزينا

نزيد الخميرة و الفرينة و كي قريب تولي عجينة نقدر نحللها نقسمها على زوج وحدة نزيدلها الكاكاو و الثانية نزيدلها الفرينة يعني ولي السمك نتاعهم كيف كيف


نحلل العجينتين في زوج

و نحط نتاع الشيكولا فوق البيضة و نزيد نحلل


حتان يولي السمك تقريبا نص سنتيم
و نرولي
انا هنا سبطت الرولو نتوما متصبطوهش خليوه مرولي باكي يجيو الحبات دايرين انا ماجانيش الشكل واضح كي طاب . و حاولو ماتكبروش الحبات ديروهم صغار متنساوش فيها لخميرة




كي تقطعوها هكدا زيدو حاولو تصبطوها بيدكم ميش بزاف شوية برك

و دخلوها للفور يكون 160 درجة و تقعد هكذاك 10 دقايق


كاين الحبات اللي راكم تشوفو فيهم من تحت هادوك كي بقاتلي لعجينة خلطتها ميش بزاف باكي تجي ماغبغي
و هنا كي طاب . كي تشوفوه طاب من تحت يعني بدا يحمار خرجوه . عندكو تنساوه
.خلاص درك لقلاساج

اقليو النواد كوكو حتان يحمار شوية يعني بين صفر و حمر خلطولو الكاكاو و السكر و لازم تزيدو الكاكاو كي يعود النواد كوكو حامي و رجعوه شويييية برك فوق النار و نتوما تخلطو باكي الكاكاو و السكر يلصقو في النواد كوكو

و خلاص لوحو حبة القاطو في الكونفيتور من بعد في النواد كوكو .



معليش سامحوني برك على التصوير ضعيف المهم وصلتكم الفكرة

و كيما راكم اتشوفو انا كبرت الحبات شوية غلطة برك نتوما صغروهم و دبروهم دايرين باكي يجيو باهيين اوكي


et bon appétit