كيكتي الرخامية الساهلة.....

السلام عليكم شوفوا هاذ الكيكة خدمتها اليوم اربع بيضات و قشور قارص و برتقال زيدي كاس سكر وكاس زيت وخلطي مليح زيدي الفرينة مع شكارة خمارة وخلطي مليح مليح نحي من العجين و زيديلو الكاكاو ديري نصف المقدار في مول الكيك المدهون بالزيت والمرشوش بالفرينة ديري العجينة اللي فيها الكاكاو غطيها بالباقي من العجين بواسطة ملعقة خشبية العبي بالعجين ههههه للحصول على الشكل المطلوب ديريها في الفرن تنضج وهي سخونة اسقيها بعصير نصف حبة قارص و برتقال مع شوي سكر قلاصي ادهنيها بمعجون مشماش مع بيستاش بالصحة والعافية و ماتنساوش اوخيتكم بدعوة مليحة