اختكم عندها طلب.........تعيشوا متردونيش خايبة

السلام عليكم حبيباتي عرايس منتدى الجلفة الفحلات ...والله لوكان ماشفتش بلي رانا كل هنا قلب واحد منطلبش منكم هاد الطلب لصغييييير... حبيت من خواتاتي يدعولي معاهم فصلاتهم بظهر الغيب ربي يفرج عليا ويحنن قلب والديا عليا وعلى الانسان لي راه مسكين قريب عامين رايح جاي وقابلوه بالرفض...........علابالي كاين فيكم لي علابالها بحكايتي ولي معلابالهاش نقولها
باختصار تقدملي واحد ما شاء الله خدام لاباس عليه ومتخلق ويعرف حدود ربي وحتى والديه دخلت قلبهم وحابيني لوليدهم........مشكلتو الوحيدة انو مستوى ثانوي وانا جامعية.........علابيها دارنا مصرين على الرفض وصرا فيا الباطل من البكا لاخاطر ملقيتش كيفاش ناقش ماما ونقنعها مع انها انسانة متعلمة قاتلي مستحيل هبلونب هبلوني هبلووووووووووووني........مالقيت غير الصلاة والدعاء والاستغفار والاستخارة ونستنى فساعة الفرج............


هادو 5 اشهر الموضوع مغلوق مالا عولت هاد اليومين نعاود نفاتح ماما فيه ونحاول معاها بلاك تحن عليا...والله حالتي ولات غرااف مع المرض والقلقة والوسواس...........لازم نحكي معاها ونقولها واش راه صاير فيا

كل وحدة من خواتاتي نطلب منها تدعيلي ربي يسرلي امري مع ماما ويشرحلي صدري وقلبها يحن وتقبل وتقنع بابا.....ونزيد نطلب عليكم كل وحدة تقول ليماها لعزيزة تدعيلي



اسمحولي ويلا تقلت عليكم وكثرت هدرة........اختكم في الله سااارة