المسلسل التركي:رحيق الايمان

على سلامتكم يا بنات وواش حوالكم اليوم حبيت نفرغلكم قلبي ماعنديش لمن نحكي بخلافكم راهي واصلة معايا للبلافون
مشكلتي ممكن تكون لاغلبكم كي يقرها ماش مشكل بالصح انا راهي مديالي تفكيري و كي نتفكرها الدموع تهبط وحدها
نصكم يعرفني و يعرفي بالي راح نتزوج خارج ولايتي وزيد انا الكبيرة في الدار و قرب عرسيالمشكلة تاعي هنا الوقت هذا برك اكتشفت اني راح نبعد على دارنا كانتلي نورمال عادي بالصح ضرك كي قربت ما قدرتش مانيش قادرة نبعد على بابا خاصة و انه المدة هذه مريض ربي يشفيهولي ماقدرتش نتقبل الفكرة خلاص اني نكون في بلاصة بابا مافيهاش واني نوكل والا نفطر الصباح وهو ماش معايا والا نشري حاجة ما يعلقليش عليها و يغششني حتى نرميها و نحلف ما نلبسهاش و الا ما نديهاش و يروح يجيبهالي و يزيد فوقها حاجة اخرى شكون يرضيني كي نغضب حتى كي نكون غالطة و يقول بنتي انا الي نغضبها برك و الله يا بنات صعيبة خلاص انني نروح من دارناوزيد ماش بحذاهم بعيدة خلاص عليهم و الله ما قدرت نتقبل الفكرة خلاص كانت تبانلي نورمال و تغششت منهم كي كانو ضاربين النح عليا في التجهيز بالصح ضرك وصل الوقت و ولات تبان ليا بلاصة كل واحد فيهم وكي نروح من الدار كيفاش كي نفكر نقول مانيش اول او اخر وحدة راح تزوج بعيدة على دارهم والا راح تزوج اصلا بالصح ثم ثم نقول هدوك كامل راهم عيلة كبيرة ماش كيفي عيلتي صغيرةيسمى يملو فراغ بعضاهم وزيد انا موالفة ندير كلش في دارنا بابا انا الي نخيرلو لبستو ونلبسو بالسيف على ذوقي وماما كيف كيف مام في الخرجات ما تخرجش بلا بيا وكي ما نحبش تبطل حتى نقنعها وزيد تشاورني على اتفه الاشياء ساعات نحس روحي انا امها ماش هي صح هي عصبية و حساسة ياسر بالصح كي توصلي كلش يتبدل خاوتي كيف كيف والفوني يتفاهمو عليا و يسرقولي حقي بالصح كي يخرجوا يجيبولي واش شراو يالوكان حبة حلوة واكيد نحطها و يرجعو يسرقوها و ياكلوها
راني قلتلكم راو مسلسل تركي كل جزء بحكاية المهم الي فات كامل مقلقني والي زادو و خوفني الناس الي راح نروح نسكن معاهم لليوم ما فهمتهمش حاولت نقربلهم وعاملتهم بطبيعتي انا قرب خطوة و هوما يبعدو 10 انا الي في قلبي في فمي والي تضحكلي خلاص نقول هذه حبيبتي وابشع حاجة فيا اني ساذجة نتكلح بالخف و زيد نسامح بالخف ننسى الي قاسني والي جرحني ومانقراش الكحلة خلاص
وضرك تحتمت عليا نسكن معاهم لانه راجلي ماكملش الدار تاعو خايفة خلاص لاني نعرف روحي ديمة نتشوكا في الي نقربلهم كرهت من حاجة اسمها استغلال ليا خايفة خاصة و انهم ما حاولوش خلاص يقربولي
وضرك نجيو للدندوك هذا الي خلاني نغلي حاولت نفرغلو قلبي ولى يقولي انت الي قبلتي صح هو ناس ملاح ربي يبارك بالصح حرت كيفاش نرضيه اقل كلمة نحكيها معاه باه نفرغ قلبي يتحسس منها وكي ما نهدرش يتغشش و يهز خشمو

سامحوني طولت عليكم الله غالب ما نقدرش نحكي واش في قلبي غير ليكم على بالي صدعتكم بحكاياتي الله غالب ما قلتلكمش خلوني نتعلق بيكم


حاجة اخرى نسيتها راني وليت مجرمة من التفكير خلاص هبلت قادرة ندير كلش شوفو مثال