خواتاتي ريماس،لؤلؤة الفردوس،وئام الروح،عروس الاوراس،سمسمة، بتول8، رحيق الايمان ،charachoucha نتمنى تسامحوني

السلام عليكم ورحمة الله وبركاته

خواتاتي .....................
الصراحة والله مالقيت باه نبدى
المهم راكم علابالكم بالشي اللي صرا من قبيل
حبيت نقوللكم بلي ماكانش مقصود
وراكم تعرفوني مليح وعلابالكم بلي خاطيني
حسيت بعض لبنات بلي حطوني انا اللي درتها
نقوللهم شوفو مواضيعي ومشاركاتي تعرفوني
والباقي يعرفوني مليح وما شافو مني غير الخير
انا درت ثيقة في عباد ما يستاهلوهاش وماكانوش قدها
وضرك راني خايفة نخسركم ولا نطيح من عينيكم
علابالي ممكن ما تتفهموش
مي والله وربي شاهد بلي نحبكم ونعزكم
مع اني جامي شفتكم وممكن جامي نشوفكم
ديروا في بالكم بلي ختكم الصغيرة تحبكم بزاف وتحترمكم وتقادركم بزاف بزاف
وسامحوني مرة اخرى علابالي قلوبكم كبار
واذا خيرتو ما تسامحونيش نقوللكم غير قولولي برك
وانا نخطي هاذ المنتدى ونحرم ندخلو
والله راني مبهدلة منكم
وراني نعتذر منكم قدام الجميع ووحدة وحدة
خصوصا الاخت ريماس
وثاني
لؤلؤة الفردوس

واللي دايما تنصحني وئام الروح

عروس الاوراس

سسمسمة صاحبة الغرفة
واللي نقوللها سامحيني وكي تجي نفهّمك

بتول8

رحيق الايمان

وجوهرة الايمان

واخيرا وليس اخرا الاخت
charachoucha
اللي مالحقتش نتعرف بيها

سلام
اختكم بلقيس