قاطو اقتصادي بالفلان من تحت يديا اكييد

هاذي الوصفة درتها من عند الاخت الصوامعية جزاها الله خيرا
درت نص بالشيكولا وزينتو بالطلية ونص درتو بالطلية وزينتو بالشيكولا
بارك الله فيك جا بنين ماشاء الله

الووصفة بقلم الاخت
المقــــــــــــــــادير

- 250 غ مرغرين طرية
- 5 مغارف كبار سكر قلاصي
- 3 صفار بيض
- علبة فلان فاني
- 1 خمارة كميائية ، مبشور القارص ، فاني ، فرينة


التحضيــــــــــر


في صحن نحط كامل المقادير مع بعض مرغرين +سكر + صفار البيض + فلان + فاني و مبشور القارص نخلط الكل مع بعض مليح مليح ثم نلمها بالخمارة و الفرينة حتى تولي عجينة طرية نخليها تريح شويا ثم نحلها بالحلال ونقطع الأشكال لحبينا أنا خيرت الطابع نتاع عرايش دريهم في سنيوة ودخليهم للفرن حتى ينشفو كي يبردو دريلهم الطلية وشبحيهم بالفرمسال انا تعمدت نشبحها بالفرمسال باه نأكدلكم بلي إقتصادية

الصور تاعى







ملاحظة
الطلية درتها بالقارص وبياض البيض والسكر
باش تجي طرية وماتيبسش