خبز الدار من مطبخي **صور جديدة **

السلام عليكم ورحمة الله وبركاته
اليوم جبتلكم طريقة صنع خبز الدار يخرجلك خفييييييف وبنين
المقادير
2 كاس سميد +2كاس فرينة +كاس تاي زيت +ملح +ملعقتين كبيرتين لحظة غبرة +ملعقة كبيرة سكر +سينوج وحبة حلاوة + نضع الكل في العجانة ومن جهة نطلع ملعقتين كبيرتين خميرة الخبز مع ملعقة صغيرة سكر في شوية حليب فاتر ونضيفها للمكونات الاولى ونعجنها بحليب فاتر تكون العجينة متماسكة

بعد العجن نغطيها ونخليها تخمر على راحتها

من جهة اخرى نحضر 3 بيضات ننزع منهم صفاران للدهن والباقي نخليه على جنب



بعد ما تخمر العجينة نضيفلها باقي البيض + 100 غ مرغرين بحرارة الغرفة + 4 ملاعق فرينة + قبضة خميرة كيميائية نضيفهم جميعا ونعجن من جديد السرعة الاولى ...ثم الثانية ..ثم الثالثة .حتى يتجانس الخليط وتكون العجينة رخوة

نفرغها في صينية مدهونة نبسطها بالايدي المبللة بالماء او الزيت ونتركها تخمر




ندهنها بالصفاران مخلوطين مع ملعقة قهوة سكر وملعقتين صغيرتين حليب سائل ونرشها بالسينوج وحبة الحلاوة



ندخلها الفرن المسخن مسبقا

نخرجها قبل ما تحمر ندهن وجهها بسيرو او جيلاتين




نرجعها للفرن ونحمرها من فوق

نخرجها ونقسمها





كثييييييييييييير هش شوفوا .....



وشهية طيبة