♥الأكلة الشاوية *زيــراوي* من مطبخ ماما♥

بسم الله الرحمن الرحيم

اليوم دارت ماما هاد الأكلة وتعلمتها منها غير اليوم وحبيت نفيدكم معايا

وهي *زيراوي* ممكن البعض يعرفها ولكن باسم آخر

..........كثرت الصور لوصول الفكرة بسهولة.........إن شاء الله أوفق في ذلك

بسم الله نبدأ على بركة الله

سميد خشن *دشيشة* مثل التي نستعملوها لقلب اللوز
ماما استعملت الدشيشة تاع القمح

وهنا عن قرب


ماما مكيلتش .......... يعني انت عينك ميزانك
نضيف ملح + ملعقة صغيرة خميرة + سكر + زيت + مرغرين


نخلط الكل مع بعض


ثم نعجن بواسطة ماء دافئ


وهنا خلاص كملت من العجن


هذي ماما دارتها بيدها

وهذي انا مقدرتش نديرها بيدي درتها بالقنوط


ثم نطيبوها.........ممكن تتشقق .........وممكن تتقسم ف الطاجين
لانها مش سميد باه تحكم روحها

لازم تحمار مليح بسك تجي خشينة


وضرك تهرسيها........امبعد تنخليها



والآن نحضر الغرس ........... انا بقالي بكري غرس مرحي ف لاراب مي ميكفيش
وزدتلو شوية مش مرحي


ونضيف المرغرين


ونحطوه على نار هادئة مع التحريك من حين لآخر بواسطة ملعقة خشبية لتسهيل التحريك


وضرك راه واجد للاستعمال


نضعه على الرخساس المهرس السابق


وتخلطيهم بيديك مع الدلك...........يعني تضغطي على الخليط بيديك للتداخل


وبعد ما تكملي ديريه في برمة مع زبدة ستار أو زبدة + دهان حسب رغبتك
وتسخنيه على نار هادئة


والباقي احتفظي به في الثلاجة ......... وخرجيه عند الاستعمال وسخنيه مع الزبدة كما قلت سابقا


والآن *زيراوي* تاعنا جاهز للأكل


يمكن تحطي معاه خليط من الزبدة والدهان أو زبدة وحدها مذابة لاضافته عند الحاجة
يعني كل واحد ورغبته.........كيما انا منشتيهش مسقي بزاف


ويقدم ساخنا مع اللبن أو مشروب غازي


يمكن ان نضع فوقه زبيب أو مكسرات أو حلوة الترك.........حسب الرغبة

الحمد لله أنهيت...........تعبت في وضعه

ان شاء الله يعجبكم وتجربوه.........والمذاق رااااااااائع

إضافة: قاتلكم ماما اللي مقدرتش اطيبو ف الطاجين
تقدر اطيبو ف الفرن من تحت ومن فوق حت يحمار وشنو بسسيه مليح
يعني زيدي شوي مرغرين او زبدة