قوارب بالجريوات

السلام عليكم ، حبيت نشاركم بالهذه الوصفة السهلة
المقادير:

- 6 حبات جريوات متوسطة الحجم
- فنجال جلبانة نكونوا فورناها من قبل
- 2 ملاعق أكل أرز طايب
- معدنوس
- حبة بيض مغلي
- 1حبة بيض
- حبة بصل
- ملح وفلفل اسود
- لحم مرحي
- فرماج طري وفرماج أحمر

طرقة التحضير:
- ننظف الجريوات ونقطعها الى نصفين بالطول ونملحها ونحطها تفور وعندما تطيب نحطوها تبرد
- نشحر نصف حبة البصل مع الفلفل الاسود والملح بشوية زبدة وزيت ثم نضيف الجلبانة والروز ومنبعد نفرغوهم في اناء اخر باه يبردو
- نشحر النصف الباقي من البصل مع الملح فلفل اسود والحم المرحي وكي يقرب ينضج اللحم المرحي نضيف المعدنوس ونطفيو عليه ونظيفوه للخليط الأول وعندما يبردو مليح نضيف حبة البيض المقطعة الى قطع صغيرة وحبة البيض ليتماسك الخليط
- نجيب الحبة تاع الجريوات ونعمروها بالخليط ومن فوق نحط فوقها فرماج ومنبعد نحطها فالفرن لمدة 15د حتى 20د
وكي نخرجها من الفرن نحطلها فرماج احمر مرحي
وشهية طيبة وبالصحة والهنا نتمنى تعجبكم وتجربوها