تاكاوا بالصحة محجوبة أختكم جنة،....بالصور

السلام عليكم أخواتي . . اليوم طيبت في الغداء محجوبة و جبتلكم تذوقو معايا و تعطيوني رايكم فيها.
الخليط:
المقادير:
1- بصلة خضرة............................(ربطة).
2- دبشة.....................................(ربطة).
3- فلفل حار...........................حسب الذوق.
4- طماطم حب.......................3 أو 4 حبات.
5- زيتون أخضر مغلي في الماء......200 غرام.
6- الثوم...................................راس كامل.
7- طماطم مصبرة........................معقة أو 2.
ملح، زيت، راس الحانوت (اللفاح)، الشحمة ذايبة (لمن يريد).
التحضير:
1- قطعي كلش رقيق و خلطيه مع بعضاه و زيديه التوابل، الزيت، الشحمة، الملح.
Image 028.jpg
2- حضري العجينة كيما تع الفطير ( المسمن).
3- شكلي العجينة لوز صغار بحجم حبة البيض و قرصي وحدة و حطي فيها الخليط و تطويها سداسي، و زيدي قرصي وحدة أخرى و دحطيها في وسطها و أطويها عليها.
4- قرصيها شوية و طيبيها في طاجين الحديد، و رشي بالزيت طبعا.
Image 010.jpg
* بإمكانك تعمليها قرصة كبيرة كيما في الصورة.
Image 018.jpg
ملاحظة: تقدري تزيدي اللحم المرحي (تطيبيه و تظيفيه للخليط).

شهية طيبة

» محجوبة المطلوع تفضلو ....
» كمونية بالصور
» الهمبورغر بالصور
» مشوك جديد وعضوة جديدة أختكم في الله اماني ريتاج
» ألذ الحلويات بالصور , بسكويت الشوكولاتة, حلويات وصفات جديدة بسكويت الشوكولاتة بالصور