Pâte feuilletée خطوة خطوة^_^.

*750غ فرينة
*4ملاعق كبار زيت
*1ملعقة كبيرة خل ابيض
*500غ زبدة spécial feuilletage
*1/2 لتر ماء بارد

*ملح حسب الرغبة

طريقة التحضير :

1ديري الفرينة و الملح

2من بعد الزيت و الخل

3الماء ارمي بشوية حتى تتلم العجينة ماشي نص لتر تدخل كامل كل خطرى كيفاش على حساب الفرينة فهمتي ,??

تولي هكدا ok

4اقسميها على 4 كيما في التصويرة

5 غطيها بشكارة و خليها تريح ربع ساعة يلزم

6 كي تريح حليها كيما في الصورة

7هديك الزبدة يلزم تكوني خرجتيها 24 ساعة من قبل يلزم باش تنجحي مليح تبعيني ههههههه

8ديري الزبدة في شكارة و اطيها طريحة بالحلال شوفي كيما في الصورة


9ديري الزبدة في وسط العجينة

10و من بعد اطويها كي البرية شوفي الصورة تفهمي


11حليها بالطول


12 ا هنا حلي عينيك مليح اطوي العجينة كي permis de conduire ههههههه باش تفهمو


13 و عاودي حليها بالطول


14 من بعد عاودي اطويها كيما في الاول كي permis de conduire و خليها تريح ربع ساعة يلزم من بعد ديريها في شكارة غطيها مليح ok و خليها تريح هادا يسميوه Double tour



15من بعد عاودي كلش من دارا و جديد كيما في الاول حليها بالطول من بعد اطويها كي permis de conduire و زيدي حليها بالطول وخليها تريح ربع ساعة تاني يلزم

16زيدي عاودي كيما في الاول و الثاني و خلااااااااااااص راكي درتي و نجحتي و جبتي لpermisههههههههه

تحليها 3 مرات Double tour
و شهية طيبة نحبك جربيها و توريلي الصور plizzz ياقوت

لي مافهمتش تقولي
شكرا..........♥

ملييييييييييييييييييح

 

 

الجلفة كامل جبتيها هنا

شكرا لك والله يجزيك كل خير