الكروكي بطريقة جديدة

السلام عليكم اخواتي
حبيت نقدملكم هذي الوصفة الجديدة تاع الكروكي
المقادير
5 بيضات....كاس سكر ....كاس زيت ....ملعقة اكل حليب لحظة بودر.....ملعقة اكل مايزينة.....باكي ونصف خمارة
مبشور حبة ليمون...قرصة ملح..فرينة..كاكاو

للتزيين
ماء الزهر..... مربى المشمش ...كوكاو مدشدش

طريقة التحضير
نخلط البيض مع السكر جيدا

ثم نضيف الزيت مع الخلط الجيد

ثم نضيف الحليب البودر والمايزينة

ثم نضيف مبشور الليمون

ثم نخلط ونضيف الفرينة + باكي ونصف خمارة

ونخلط حتى نتحصل على عجينة مليحة
نقسمها نصفين النصف الاول نخليه على حاله والنصف الثاني نضيف له الكاكاو
وبالتالي نحصل على عجينتين وحدة بيضاء والثانية قهوي

نفتح العجينة البيضاء ونزيد نفتح فوقها العجينة القهوي
ونحاول نلمها حتى نحصل على حربوش

نخدم الحربوش مليح وندهنه بصفار البيض وندخله الفرن
لما ندخل الكروكي للفرن مع الحرارة تاعه رايح يبدا يهبط حنا مرة على مرة نحاول نعدلوه بسباتيل

لما يطيب ونخرجوه من الفرن

نسقيوه بخليط المربى وماء الزهر على مرتين


ثم نرشه بكوكاو مدشدش

ثم نخليه يبرد ونقطعوه

وشهية طيبة ان شاء الله يعجبكم