العجينة المورقة والملفاي من مطبخي *****

السلام عليكم ورحمة الله وبركاته
البارح درت العجينة المورقة وشكلت منها الكرافات والملفاي

اليكن طريقتي بالتفصيل الممل وانشاء الله الاخوات اللي ماتنجح لهم العجينة المورقة تضبط معاهم هذه المرة
المقادير
نحتاج 800غ فرينة حطيهافي الطاس واخبطي باه يخرج الهواء حتى توصلي ل800غ
500 مرغرين التوريق صالحة



نقوم بعملية تبادل بسيطة نقسم المرغرين شرائح نحط منها شريحة مع الفرينة وناخذ فنجان فرينة ونضيفه للمرغرين



نعجن المرغرين مع الفرينة ..ونعجن الفرينة والمرغرين وذرة ملح والماء حتى نتحصل على عجينة متماسكة نغلفها بكيس نايلون ونحطها في الثلاجة حوالي ساعة



الان نبدا عمليات الفرد والطي نبسط قطعة نايلون كبيرة فوق الطاولة نرش شوية نشاء**نستعمل النشاء في كل مرة بدل الفرينة لانه يساعد على التوريق لكن ماتكثروش ** ونحلل العجينة وبجانبها نحلل المرغرين بوضع كيس بلاستيكي فوقها بحيث يكون حجم المارغرين ثلثي حجم العجينة



نقلب المرغرين على العجينة



نطوي الجزء الخالي من المرغرين فوق المرغرين



ثم نطوي الجزء الاخر هكذا



نلفها في الكيس ونضعها في الكونجيلاتوغ 10 دقائق وتعتبر هذه المرحلة الاولى **نختصر الوقت بدل20 دقيقة في الثلاجة 10 دقائق في الكونجيلاتوغ **


نخرجها نضع الحلالة في الوسط ونبدا نحل من الوسط الى اليمين ومن الوسط الى اليسار دائما



نطوي جزء اليمين الى الوسط



ونطوي جزء اليسار الى الوسط



ثم الجزئين فوق بعض



ثم على اثنين



نلفها في الكيس والى الكونجيلاتوغ 10 دقائق هذه المرحلة الثانية



نخرجهاونحللها الى اليمين واليسار نقلب الجزئين الى الوسط ونطبقهم على بعضهم والى الكونجيلاتوغ وهي المرحلة الثالثة





ونضيف المرحلة الرابعة بنفس الخطوات
وبعد 10 دقائق نخرجها ونبدا التشكيل مباشرة انا قسمتهاعلى اثنين



اخذت الجزء الاول ورجعت الثاني للثلاجة وليس الكونجيلاتوغ



حللته بسمك نصف سم وقطعته هكذا



دهنت صينية بالزيت وشكلتهم هكذا





ثم الى الفرن المسخن بعد ما يطيبوامن اسفل نحمرهم من فوق نخرجه وهم سخونين نضع فوق كل حبة ملعقة عسل ثقيييييل ونرش الكوكاو



وهاهي



وهذه عن قرب



شوفوا التوريق



ثم الملفاي ........