قــــآطو .. les amendines

السلام عليكم و رحمة الله و بركآته

ليوم حبيت نحطلكم قاطو يسموه ليزاموندين .. بزاف بنين و هايل و درته في العيد الاضحى لي فات



المقادير:

العجينة: - 250 غ زبدة فلوريال
- كاس sucre glace
- حبة بيض + 2 صفار البيض
- مغرفة la vanille
- كاس مايزينة
- فرينة ( حتى تتلم العجينة )
الحشو:
- 200 غ لوز بالقشور ( ولا تحبي كوكاو )
- 200 غ سكر عادي
( كي ترحي اللوز ارحي معاه السكر في آن واحد يعني ترحيهم كيف كيف )
- 100 غ زبدة
- 2 حبات بيض
- 3 مغارف فرينة
التزيين:
- لوز ايفيلي
- la gelée
- معجون المشماش
التحضير:
- نحضر العجينة نخلط المكونات لي ذكرتهم و نلموهم بالفرينة و نديروها في ساشي باش ترتاح
و نحضر الحشو نحط ( الزبدة, 2 حبات بيض, لافاني ) حتى تذوب الزبدة في يدك ممبعد نزيدو بالملعقة تدريجيا ( اللوز و السكر ) ممبعد نضيف الفرينة حتى يولي الحشو طريّ و نضعها في الثلآجة ..

نجيبو العجينة ديالنا و نحلوها بالحلال و نطبها بالطابع ( مدور ) و نضعها في لي مول تاع القنيدلات
ونحطو فوق العجينة لي راهي في المول معجون المشماش وممبعد نزيدو الحشو لي خدمناه و من لفوق نديرو اللوز ايفيلي, ونضعها في الفرن لمدة 15 دقيقة
وكي تطيب .. نذوبو la gelée ونديروها من لفوق



وان شآء الله نكون افدتكم عييت وانا نكتب ههههههه ..