كيك الشكولا في 3 دقائق

[COLOR="Blue"]السلام عليكم
كيراكم دايرين
ان شاء الله تكونو قاع بخير وبصحة وعافية
المهم ندخلوا فالموضوع
علابالي ما أمنتونيش مين قلتلكم في 3 دقائق
شفته فالنت رحت تمتم جربته وجيت نجري نقولكم
تبعوا معايا وتشوفو
المكونات:
4 مغارف صغار فرينة-معمرين غاية-
4 مغارف صغار سكر
2 مغارف كاكاو
3 مغارف حليب
3 مغارف زيت
1 بيض
شوية خميرة الحلويات -ربع ملعقة-
التحضير:
جيبوا كاس وحطو فيه الفرينة+السكر+كاكاو+خميرة وخلطوهم

زيدو فوقهم حبة البيض
[
نزيدوا الحليب والزيت ونخلطوهم
اذا بانتلكم العجينة شوية ناشفة زيدولها شوية حليب انا زدتلها 2 مغارف
/
ودخلوه للميكرو اوند لمدة 3 دقائق

وهاذي هي النتيجة


وبالصحة والهنا
بسكوي خفيف وساهل مليح مين يجوك ضياف على غفلة وما يكون عندك والوا فالدار
وزيدوا ورونا ابداعاتكم مثلا تقدروا ديروه في قوالب الفلان وكي يطيب ترشي فوقه سكر ناعم وتقدميه
ايا اللي عندها الصوالح واجدين تروح تجربه وتجي تردلنا الخبرCOLOR]