كروكي **بسبوسة **حليب نستلي **من مطبخي **

السلام عليكم ورحمة الله وبركاته
كيف احوالكم عزيزاتي ؟؟ ان شاء الله تكونوا بخير وصحة وعافية
اليوم نعطيكم طريقتي في تحضير هذه الحلويات البسيطة اللي تتقنها كل ربة بيت فقط نتبادل الافكار

الكروكي :
اربع بيضات ..كاس سكر ..كاس زيت ..كاسان نشاء ..ملعقتين كبيرتين حليب غبرة ..علبة ياورت ذوق الكراميل ..فاني ..كيس خميرة .فرينة
بالباتور اخفقي البيض ثم اضيفي السكر واخفقي ثم الزيت وعلبة الياورت والفاني اخفقي .ثم بالملعقة اضيفي النشاء والحليب والفرينة مع الخميرة والعجينة لازم تكون طرية تلصق في اليدين
بللي يديك بالماء وضعي حرابيش ادهنيها بصفار البيض مخلوط مع ملعقتين حليب سائل وملعقة سكر وذري الجلجلانية
الى الفرن










البسبوسة

اربع بيضات ..نصف كاس زيت ..اربع ملاعق سكر ...ملعقتين حليب سائل ..فاني ..كاس سميد وملعقة كبيرة فرينة
الطريقة اللي تخلي بسبوستك تجي هشوشة ولذيذة هي انك تخدميها مثل الكيكة الاسفنجية تماما
يعني ضربي البياض مع نصف كمية السكر حتى يصبح ميرانق وضربي الصفار مع النصف الاخر من السكر ثم اضيفي الزيت والحليب والفاني واخيرا اخلطي الصفار مع البياض بملعقة مع اضافة السميد والفرينة والخميرة برفق
اسكبي الخليط في صينية مدهونة ..انا استعملت هاذي





اطهيها وعسليها مليح
اسكبي فوقها حليب نستلي ورشي المكسرات اللي عندك









حليب نستلى

كيلة لحظة والافضل gloria مليحة ومافيهاش الريحة = 10 ملاعق كبيرة ضعيها في اناء وكيلي بيه كيلة سكر +كاس تاي ماء + 3اكياس فانيلا




المرحلة الاولى
ضعي المقادير في طاوة فوق قدر ماء يغلي يعني حمام مائي مع التحريك المستمر حتى يصبح الخليط ناعم وتختفي حبيبات السكر تمامااااا ..هذه المرحلة تطول شوية
المرحلة الثانية
اسكبي الخليط في بلارة نتاع الحمص تجيك الكيلة مضبوطة




اغلقيها ضعيها في كوكوت واغمريها بالماء ...كثري الماء.. وعند الغليان اغلقي وخليها 45 دقيقة



بعد ما تطفي عليها خليها تبرد على راحتها نصف ساعة ثم افتحي





ضعيها في الثلاجة لوقت الاستعمال