بريوش بلاما تعي روحك و تدلك!!!!!!!!!!!!!

هذ البريوش بنين و خفيف وما يطلبش الدليك و الي يذوقو يبانلو شحال من ساعة وانت تدلكي ههههههههههه
نصيحة جربوه و ادعولي
المقادير
الخليط الاول
لتر حليب سائل تاع الساشي عادي
2 مغارف كبار سكر عادي
2مغارف كبار خمارة الخبز
الطريقة
سخني شوية الحليب يكون فاتر فقط حطيه بجيه وخلطي معاه الخمارة و السكر و خليه يطلع
الخليط الثاني
5بيض
10مغارف كبار سكر
كاس زيت
مغرف صغيرة ملح
2 باكيات خمارة الحلوى
تقريبا 2كغ فرينة
الطريقة
خلطي السكر و البيض و الملح مليح زيدي الزيت وحبسي ما تزيديش الفرينة و الخمارة
الطريقة ككل:
اظيفي الخليط الاول على الخليط الثاني
ثم 1كغ فرينة ممزوجة ب2الخمارة تاع الحلوى
كملي الفرينة الكغ الثاني خلي منو تقريبا كاس تتحصلي على عجينة تلتصق ما تقدريش تحكميها بيدك حتى تدهنيهم بالزيت
ادهني بلا بالزيت و رشي بالفرينة
اغطسي اصبعك شوية برك في الزيت ما لازمش تكثري غير باش تقدري تهزيها
خذي قيس حبة مندرين اخبزيها شوية و لويها اعطيها شكل هلال ضعيها في البلا و كرري حت تكملي العجينة تقربا تقطع 35 حبة
اتركيهم يخمري لازم توسعي بيناتهم
كتخمر ادهني ببيضة كاملة الصفار و البياض مع بعض و رشي بالجلجلان
طيبيهم في فور مسخن مسبقا
و حمريهم من فوق
و قدميهم مع القهوة بالحليب يجي مليح فطور الصباح
وكما شفتي ما يدلكش و تقدري تجربي فقط نص الكمية اول مرة خاطر يجي بزاف
سهل و مضمون و بنين و خفيف
احتفظي بيه في علب بلاستيكية
اليكم الصور:

حظ موفق