جينواز بالنستلى **روووعة من مطبخي **

السلام عليكم ورحمة الله وبركاته
وش احوالكم حبيباتي ؟؟
ان شاء الله بخير وصحة وعافية
كان باقي لي شوية نستلى من المرة اللي فاتت حرت واش ندير بيه كنت نخمم في حاجة خفيفة وسريعة وبنينة طبعا
مالقيت غير اني نخدم جينواز صغيرة ونحشيها ونزوقها بالنسلي وهاهي
مقادير كعكة الجينواز
3بيض مفصولين ولكل بيضة دائما نحسب ملعقتين سكر وملعقة كبيرة زيت وملعقة كبيرة نشاء واخرى فرينة مع قبضة خميرة كيميائية
نخفق البياض مع نصف كمية السكر والصفار مع النصف الاخر من السكر ثم نضيف الزيت او مرغرين طرية حتى نتحصل على خليط يشبه كريمة الزبدة
نمزج بملعقة الخليطين مع اضافة الفرينة والنشاء والخميرة منخولين وعلى دفعات
ندهن صينية بالمرغرين ونرش عليها الفرينة نسكب الخليط ..الى الفرن

بعد الطهي نقسمها على اثنين نشربها بمربى مخفف بشاربات
نضع فوق قطعة كمية من النستلى ..نرجع القطعتين فوق بعض ونسكب فوقها النستلي نزين الجوانب بالكوكاو او الجلجلانية او جوز الهند انا رحيت حبات قفريط وزينت بيه الجوانب
ندخلها الثلاجة حتى تجف طبقة النستلى
نرسم عليها خطوط رفيعة بالسكين ثم نتبعها بالشكولاطة
لمسة اخيرة ورقات وردات بعجينة اللوز













هشة ولذييييذة
اتمنى تجربوها
سلامي لكن جميعا