حلوة بالبان ديبيس بالصور

السلام عليكم ورحمة الله و بركاته اليوم عاودت شاركت بكيفية حلوى لذيذة جدا كنت حطيتها من قبل لكن الصور ماطلعوش و نتمنى تجربوه و تدعولي
المقادير
500غ مارغرين طرية
كاس سكر أرطب
02 مغارف كبار كاكاو
02 أكياس صغار نيسكافي
01 بيضة
01 كيس خميرة كميائية
02 طابليتات شيكولا نوار مكسرين صغار مثل حبات الجلبانة
150غ جوز يكون مكسر أو مدشش ما يكونش مرحي لا زم كي تاكلي حبة القاطو تحسي بطراف تاع الجوز
100غ زبيب
الفرينة
للتزيين
معجون المشمش خففيه بما الزهر
باكي بان دبيس pain d'épice ترحيه رقيق في رحاية اللوز
شكلاطة
فنجان سكر رطب

كيفية التحضير
خلطي مليح المارغرين و السكر بالباتور ثم أضيفيلهم باقي المكونات و لمي بالفرينة
ثم أعمليهم على شكل صبيعات بالمول أو بيدك و حطيهم في صينية يطيبو ثم لم تخرجيهم من الفور أدهنيهم بالمعجون ثم مرغديهم في البن ديبيس المرحي لما ينشفو شوية غبرريهم بالسكر الأرطب بواسطة الصفاية ثم ذوبي الشيكولا و بواسطة كيس الحليب يكون نضيف ديري ثقبة صغيرة جدا أرسمي خطوط رقاق و ضراف وشهية طيبة