قراوش الطاجين ....

وصفة قراوش الطاجين او الفراشة او العقرب كل واحد كيفاه يسميها درناها اليوم انا وسارة و عزة
صاحبتي سارة عرسها هاد السمانة في 21 جوان 2012 عيطتلي عاونتها و في نفس الوقت سرقتلكم الوصفة و الطريقة
ان شاء الله نكون وفقت في تبسيطها على قدر المستطاع و ماتنساوش التقييييييييييييييييييييييييييييييييييم
نبداو بالمقادير


1 كغ فرينة مغربلة
250غ مارغرين اقسميها على اربعة اجزاء متساوية ذوبي 3 اجزاء و خبي الجزء الرابع متحتاجيهش
1كاس تاي خل ابيض
قرصة خميرة
ملح
ماء الزهر باه نلمو العجين
بياض بيضة + فاني مخلطين للدهن
للتزيين
بيستاش مرحي
كيفية التحضير
غربلي الفرينة زيديلها الملح و قرصة الخميرة

اضيفي المارغرين الذايبة و الباردة و اخدميها بيديك

اضيفي الخل

ثم لمي بماء الزهر

لوزيها الى 10 كويرات . غطيهم و خليهم يرتاحو 1/2 ساعة

اغطسي الحبة في النشاء مايييييح

حليهم بالحلال الى دوائر رقيقة لا يتعدى ارتفاعها 1 مم

نشفيهم فوق طاجين الحديد و اثقبيهم بالكيردو غير شوية

و بعد ما ينشفو غطيهم بصاشي نيلو

بعد ما تكملي ابداي ترولي مع الضغط كي توصلي للحاشية ادهنيهي ببيض البيض المخلط مع الفاني


قطعيهم بالقراطوار المشرشف


با يجيوك باهيين ميلي القراطوار مليييييييح ولازم عرض الحبة مايتعداش الاصبع


ابداي تجبدي ريشة بعد ختها و هاذي هي اسهل خطوة



اعدليهم ثم اضغطي في الوسط



اقليهم في زيت سسسسسساخن في مقلاة غامقة
عسليهم ثم زيني الريشة الفوقانية بالبيستاش
كي نعسلوهم ان شاء الله و نزينوهم نحطلكم الصورة
و هذاا القاطو لي راح عطيكم الوصفة نتاعو + طريقة التحضير خطوة بخطوة انتظرووووووووووووووووووووووني