اليكم بعض من حلوياتي

اولا حلوى بالياغورت
المقادير : 1ياغورت
150غ زبدة طرية
1/2 كاس زيت
01 بيض
2مك سكر ناعم
01خمارة الحلوى
02 لافاني
فرينة حسب الحاجة
الحشو : 03اعبار كوكاو مرحي +عبر سكر +ماء الزهر ( حشو عادي )
عسيلة و سوريز للتزيين
الطريقة :
نضرب الياغورت مع الزبدة و حبة البيض و السكر جيدا بالباتور , ثم نضيف الخمارة و لافاني و الفرينة حتى نتحصل على عجينة متماسكة و طرية , نتركها ترتاح 15د
نشكل العجينة كويرات صغيرة و نضع في وسطها قليل من الحشو , نعاود نكورها و نشكلها في طابع المعمول اللي نكونوا حطينا بداخلوا حبة سوريز , ثم نعاود ننقش شكل المعمول بالنقاش ثم ندخلها للفرن ,وبعد ما نخرجها نعسلها في عسيلة دافية
ارجو ان تكون الطريقة واضحة